أزاى تكون سوبر ايجابى في حياتك ؟ – مجتهد

24 يوليو 2018
,,,,, Ibrahim elsiofy 24 يوليو 2018 لا يوجود تعليقات 323

اولا ليه اصلا اكون شخص ايجابى ؟؟

الشخص الايجابى محبوب من الناس لانه دايما بيمدهم بالأمل والتفاؤل ,  شخص بيحول الازمات لصالحة
 وبيعرف يستفيد من المواقف الصعبه ويتعلم منها , منظم وبيحب شغله وعارف قيمة الوقت
وبينجح بسهوله عن الشخص السلبى ,  طب ازاى ابقى شخص ايجابى ؟؟
هقولك يا ريس , فى 13 خطوه وبس !!
ورقة وقلم واكتب معايا

1 – راقب افكارك

الحقيقه الفيلسوف الصينى لاتسو قال
“راقب افكارك
لانها ستصبح كلمات
راقب كلماتك
لانها ستصبح افعال
راقب افعالك لانها ستتحول الى عادات
راقب عاداتك لانها تكون شخصيتك
راقب شخصيتك
لانها ستحدد مصيرك”
دقق فى كل فكرة   , وابعد تماما عن النص الكوباية الفاضى

2 – حدد اهدافك وطموحاتك

الشخص اللى من غير هدف , دايما حاسس انه ملوش لازمه وانه بيضيع وقته
وحاسس انه مهموم وعمره ما هينجح ,  اتعلم ازاى تحدد اهدافك وتنظم وقتك

3 – اختار اصدقائك

الاصدقاء شئ مهم جدا , وخطير جداا فى حياتك , لان طباعك بتبدأ واحده واحده تبقى شبه طباعهم
فالمرء على دين خليله , اختار الاصدقاء الايجابين واللى بيدوك امل , وبيساعدوك تنجح مش اللى يحبطوك ويخلوك تكره نفسك وحياتك

4 – اتعلم من الناجحين

اقرأ كتير فى مجالك ونشط عقلك وتفكيرك
نمى مهاراتك علشان تبقى مناسب لسوق العمل مقالات كتير على موقعنا  تساعدك تطور مهاراتك وتأهلك لسوق العمل

5- اعرف نفسك

اعرف كل الامكانيات المتاحه عندك شوف انت كويس فى ايه وقوى نفسك فيه وضعيف فى ايه وطور نفسك فيه

6 – اعرف ان الفشل بداية النجاح

توماس اديسون فشل كتير وكل الناجحين تقريبا فشلوا كتير جداا قبل اما يخترعوا حاجه ويوصلوا للشهره
ممكن تاخد راحه لو تعبت , بس اوعى توقف محاوله

7 – دور كويس على الايجابى فى كل مشكله

حاول تشوف الازمات والمواقف الصعبه على انها فرص وتستفيد وتتعلم منها

8 – العب رياضه كتير

الخبراء اثبتوا ان الرياضه بتنشط الدوره الدمويه والعقل وبتحسسك بالسعاده
وكمان بتخليك تشعر بالرضا اتجاه نفسك وجسمك

9 – ساعد الناس اللى حواليك

اصل الايجابيه هو انك تشوف الغلط وتصلحه مش تسيبه وتمشى ومهم جداااا انك تساعد الناس اللى حواليك بالعلم والفلوس والمجهود البدنى كمان , حاول تتطوع فى مكان تطور فيه مهاراتك وتساعد الناس فيه

10- خليك مسؤول عن تصرفاتك

سلوكك مش ناتج عن اللى بيحصلك فى الدنيا , سلوكك نابع من جواك
يعنى أنت وحدك الذي تقرر تتصرف ازاى , متقولش ماهو كل الناس بتعمل
انت مش هتتحاسب عن كل الناس  , خليك فى نفسك وبس !!!

11 – ابنى  معتقدات ايجابيه

خليك عارف ان ربنا خلق الكون كله لسبب , وانك انت كمان مخلوق لسبب ولهدف معين
وربنا سبحانه مش هينساك , اعرف انك فى دار اختبار , ومهم تجيب مجموع يدخلك الجنه

12-  اشحن مخك

اقرأ كتير وعلم نفسك كويس , ومفيش حاجه اسمها انا كبرت على التعليم , اتفرج على فيديوهات تحفيزيه واوعى تقف