أزاي تحول نقطة ضعف عندك لنقطة قوة تميزك ؟!! – مجتهد

22 أغسطس 2018

في بداية المقالة خلونا نتفق ان امتلاكك لنقط ضعف هو شئ طبيعي جداً
بل ان اعتقادك انك لا تمتلك نقطة ضعف هو الضعف الحقيقي

فكما قال ” فيليب جرين ” الملياردير ورائد الأعمال المعروف
” إنه يعرف ما لا يعرفة و هذا شئ لا يعرفة كثير من الناس ”
فمعرفتك لنقط ضعفك هي علامة قوة و ليس العكس

و تعتبر الثقة بالنفس لمعرفة نفسك حق المعرفة مسألة ضرورية
عشان تقدر تمتلك زمام أمور حياتك من جميع النواحي

ندخل بقي في موضوعنا : أزاي نقدر نحول نقطة ضعف لنقطة قوة تميزنا ؟!!

في البداية معرفة
ثم تحليل و تجارب و فشل
ثم يأتي استنتاج افكار و مبادئ
فتأتي القوة

خلونا نحلل الكلام ده :-

زي موضحنا معرفة نقط ضعفك هو شئ اساسي و لكن الفكرة هنا مش بس معرفة نقط ضعفك لا كمان انك تعرف فين المشكلة ؟
و ايه الحل ؟
و أزاي نحل المشكلة ؟

اي مشكلة بتواجهك بيبقي ليها نوعين من الحل : اما حل فوري جزري يستلزم منك قرار مباشر
او مشكلة حلها يأتي بخطوات كتير عشان تحل المشكلة و تحتاج لوقت كبير

حاول تشوف اي مشكلة حواليك بالمنظور ده و يبقي عندك الذكاء انك تقدر تشوف هل المشكلة تكمن في حل جزري و فوري ام الموضوع بيحتاج لتجارب و امور كتير حتي يتم حل المشكلة

و خلينا نتفق ان معظم المشاكل الشخصية او النفسية بتبقي مشاكل تحتاج لوقت و لا تأتي لمجرد الرغبة
و لكن الرغبة لا شك هي الاساس فالرغبة تخلق الالتزام فيأتي النجاح مع الوقت

اذن في البداية اعرف مشكلتك و ايه حلها و ازاي تحلها ؟
المعرفة Done

تاني خطوة هي بداية التنفيذ : مرحلة صعبة مفيش شك و لكن هي الأساس هي العمود الفقري للتحول للي بتطلبة من نفسك
تحويل الفشل لنجاح , تحويل الضعف لقوة امر يستلزم الكثير
الموضوع بيحتاج تجارب وممارسات كتير و الصبر و يجب انك تعرف ان الفشل هو شئ اساسي في مرحلة التحويل
خلونا ننصحكوا بكتاب قوة الفشل للكاتب شارلز مانز الكتاب بيتكلم و بيوضح 27 طريقة عشان تقدر تحول العثرات في حياتك لنجاحات
تقدر تحمل الكتاب من هنا

و عند مرحلة التحول والتطوير هتلاقي الي هيقف جنبك و يساندك و يشجعك و كمان هتلاقي الي بيحبطك و يكسرك و قد يكون حتي قريب منك
و لكن كُن مدرك ان حياتك و مصيرك هو ملكك انت فقط , انت من يتحكم فيها و انت من يحدد مصيرها وليس غيرك

وفي مرحلة التحويل و بعد فترة ستصل لمرحلة استنتاجات اجابة لمجموعة اسئلة ..
لماذا كنت ضعيف ؟
ايه السبب في تغيري ؟
و تحليل لنقط الضعف لديك حتي اصبجت حكيم في الامر

و من هنا تصبح ممتلك لزمام الأمور
من هنا تأتي القوة
كتاب و ملخص 48 قانوناً للقوة للمؤلف روبرت غرين

و نصيحتنا ليك في اخر المقالة
كُن صبوراً , تخيل نفسك و انت ممتلك القوة , حفز نفسك باستمرار
ادرك ان الموضوع صعب فلو كان سهلاً لفعلة الكثير
لا ترضي بالواقع المؤلم لمجرد فكرة خوفك من التغير او خوفك من مواجهه فشلك
لا تصبح خاسر
لا تصبح فاشل
لا تصبح ضعيف