أسهل واضمن 6 طرق لحفظ الكلمات فى أى لغة – مجتهد

26 يوليو 2018
,,,, Ibrahim elsiofy 26 يوليو 2018 لا يوجود تعليقات 2999

مش سهل انك تحفظ كلمات

ولو حفظتها بالطريقة التقليديه هتنساها بسرعه جدااا

حمل الملفات دي و إقرأ الاستراتيجيات الي هنقلك عليها و مش هتحتاج حاجة تاني

ملف بأهم الأفعال الأكثر استخداماً في اللغة الإنجليزية 

ملف بالجمل الانجليزية الاكثر استخداماً

Most used 2264 Words in English

ملف لأهم الأخطاء الشائعة في اللغة الإنجليزية

ودول احسن استراتيجيات لحفظ كلمات اللغات الاجنبية :-

1 – ربط الكلمة بالصورة

ودى سهلة جداا ولذيذة , ودى مثلا لو انت بتحفظ مكونات غرفة النوم تقدر تكتب اسم كل حاجه باللغه الانجليزيه وتلزقها على الحاجه دى يعنى تكتب ورقه وتلصقها على السرير وتكتب Bed , وعلى الرغم انها استراتيجيه متعرفش تستخدمها فى كل الكلامات ( الأمانه والشرف …….)  اللا انها ممتعه جداا .

2- عمل جمل كاملة

اى كلمة عايز تحفظها افهم معناها وحطها فى جملة , ويفضل بعد اما تخلص حفظ , تحط الكلمات الجديده كلها فى قصه من تأليفك

3 – تحفظ الكلمات على مقاطع

في حالة ان وجهتك كلمة كبيرة او صعب حفظها مفيهاش مشكلة انك تحفظها علي مقاطع و دي كمان طريقة سهلة عشان تقدر توصلة لمرحلة كويسة في نطق الكلمات ..
زى congratulations تحفظها . Con   ,   grat   , u   , lation

4- سجل الكلمات

سجل الكلمات الجديده على الموبايل وكل فتره اسمعها بصوتك علشان تفتكرها , وياريت لو تسجلها فى شكل جمل برضه

5- استخدم العاب الالغاز

العاب الالغاز طبيعيا هتحسن الذاكره عندك خصوصا لو بتلعبها بكلمات جديده ومش هتنساها ابدا ً

6- المراجعه

من فترة للتانية لازم تراجع على كل الكلمات اللى حفظتها علشان تفتكره والمراجعه اكتر من مره كل فتره هيثبتها فى دماغك جداااا