إزاى تتعلم انجليزى من البيت مجاناااا بإحترافية ( الجزء الثانى ) – مجتهد

3 أغسطس 2018
,,,,, Ibrahim elsiofy 3 أغسطس 2018 لا يوجود تعليقات 714

اتكلمنا عن ايه هى مكونات اللغة , وكمان احسن المواقع اللى تقدر تتعلم منها انجليزى كويس فى الجزء الأول من المقالة

ولو مشوفتش الجزء الأول تقدر تشوفة من هنا 

المهم ياريس فيه حاجه لازم نتكلم فيها الا وهى : –

إزاى تكمل ومتحبطش وانت بتتعلم انجليزى , ودول كام نصيحة علشان تعرف تتعلم انجليزى صح ومتقفش وتتعلم كمان فى أقل مده ممكنة

1 – حدد مصدرك

يعنى من الأخر متشتتش نفسك , لأن التشتيت هيخليك متتعلمش اللغة بتاعتك لا فى شهر ولا سنة ولا عمرك كلة اصلا , هتفضل تلف على مصادر كتير , وفى الأخر مش هتتعلم حاجه مفيدة

وعلشان كده احنا جمعنالكم افضل المصادر اللى تقدر تتعلم منها انجليزى فى المقالة الأولى , اختار منها بس الى انت مرتاح فيه وكمل فيه

2 – اصبر

اوعى تكون فاكر انك هتتعلم الإنجليزى فى يومين ولا حتى شهرين , انت محتاج وقت طويل شوية علشان تتعلمة , فإصبر معلش

3 – اقضى على القلق

اوعى تخاف انك تغلط , إنت انسان وممكن تغلط عادى , وإوعى تخاف إن حد يضحك عليك , خليك عارف ومقتنع انك لسة بتتعلم وطبيعى جدااااا انك تغلط فى الأول

4 – ابعد عن المقارنة

اوعى تقارن نفسك بواحد بيتعلم وبيمارس الأنجليزى بقالة فترة لإنه طبيعى هيكون احسن منك , بل انت حاول تتعلم منه , بس متقللش من قدر نفسك لإن فى يوم ممكن تكون احسن منه

5 – مارس

مش ( مارس ) الشهر , انت فهمت غلط !!!

قصدى يعنى الممارسة فى الإنجليزى وهو انك تحاول تتكلم مع حد اجنبى بالإنجليزى ويفضل لو فترات طويلة , لو ملقتش حد اجنبى اتفق مع واحد صاحبك تتمرن وتمارس اللغة معاه , اما بقى لو ملقتش , فإنت ممكن ببساطة تتفرج على فيديوهات لأجانب وتكرر الكلام وراهم

6 – خلى حياتك انجليزى

غير لغة الكمبيوتر والموبايل واى جهاز اليكترونى للغة الإنجليزية علشان عينيك تتعود تشوفها , وتبدأ تقرأ انجليزى بسهولة

7 – فكر بالإنجليزى

يعنى متفكرش فى الجملة باللغه بالعربى وبعدين تترجمها فى مخك بالإنجليزى وبعدين تقولها , كل ده هياخد وقت وفى الأخر هتتلغبط , عود نفسك تفكر وتقول الجمل كلها على بعض بالإنجليزى , وغالبا الموضوع ده هيتصلح معاك كويس جدااا فى الممارسة

8 – إرمى ودانك

مش معناها تسمع الناس لأ , صفى نيتك شوية .

قصدى يعنى اللغة مش استماع بس !!!

فية فى اللغة 3 مهارات تانية غير اللإستماع

وعرفنا فى اول المقالة ازاى تنمى مهارة التحدث ( عن طريق الممارسة ) ,

بس هنا برضه حبينا نعمل مفاجأة ونجيبلك مواقع هتقدر تتعلم منها كلمات كتير واللى منها هتبدأ تتكلم

ويبقى فيه كلمات كتير فى دماغك علشان تقولها من عليها الإنجليزى زى : –

لكل المستويات : –

 وبرضه متنساش نصيب القواعد النحوية من وقتك وتقدر تتعلمها من خلال : –

أما بقى ( مهارة القراءة ) فممكن تتعلمها من خلال : –

  • قراءة الترجمة فى الأفلام الأجنبية , اللى تكون الترجمة بتاعتها اصلا بالإنجليزى , يعنى يفضل يكون الفيلم انجليزى والترجمه برضه انجليزى
  • قراءة القصص والروايات , فية مننا كتير بيقرأ الروايات بالإنجليزى فأعتقد الموضوع مش ممل اوى لو فكرت تقرأ رواية أو قصة باللغة الإنجليزية , وهنا بقى احسب ارشحلكم عمنا الكبير اللى كل الناس ببتعلم منه على مستوى العالم ( شكسبير )
    وومكن كمان تقرأ اوليفر تويست , ويفضل لو تقرأ القصص العالمية , اللى حققت شهره بمتعتها علشان تضمن تبقى مبسوط وانت بتقرأ
  • قراءة المقالات أو الصحف الأمريكية وهنا برضة احب أرشحلكم الجريدة اللى باللغة الأنجليزية ودى اعتقد هتبقى متوفرة كتير بس دور كويس
    ودى بقى هتفيدك جدااا لإنها بتتكلم عن الأوضاع الحالية بلغة بسيطة وحاجات تلاقيها ملموسة فهيبقى عندك شغف وانت بتقرأها

 

نيجى بقى للمهارة الأخيرة الا وهى ( مهارة الكتابة ) : –

ودى برضه مش لازم ننساها لأنك لو فكرت تقدر فى إمتحان زى الأيلتس أو التوفل ممكن دى تكون المهارة اللى تسقطك فى الإمتحان فمش لازم نهملها

وهنا بقى احب ارشحلكم ,

  • انك تبدأ تألف قصص قصيرة باللغة الإنجليزية وده مش بس هيطور مهارة الكتابة عندك لكنة كمان هيخلى عندك قدرة تخيل عالية
  • تبدأ تكتب مقالات , وده برضه هيساعدك بدرجة كبيرة تطور مهارات النقد والتحليل عندك وهيطور اسلوبك الكتابى ,, وممكن كمان تعرف تألف كويس فى الإمتحان من المهارة دى بس 😀

كل ده ملوش أى لازمة لو انت معندكش سعى , فى الأول أو الأخر المجهود منك انت

#عافر_متيأسش