اتعلم انجليزي اون لاين مجاناً من أفضل 10 برامج اندرويد – مجتهد

5 أغسطس 2018
ADMIN 5 أغسطس 2018 لا يوجود تعليقات 5659

من الكنوز الي في ايدينا و احنا الي مش عارفين نستغلها التطبيقات لتعليم الإنجليزي , بتعتبر التطبيقات من الطرق الممتازة لتطوير اللغة عندك و لكن بتحتاج استمرار منك وصبر و تنظيم وقت بحيث انك تخصص كل يوم مدة معينة من وقتك عشان تعد علي تطبيق معين و تستمر فيه .

في المقالة دي جمعناكوا أهم 10 تطبيقات اندرويد تقدر من خلالهم توصل لمستوي كويس في اللغة , يمكن فكرة انك توصل لمرحلة الطلاقة محتاج بجانب التطبيق امور تانية و لكن التطبيقات اكيد هتساعدك انك توصل لمستوي كويس في اللغة و معظم التطبيقات الي هنعرضهلكوا بتطور بشكل اساسي مهارة الاستماع و التحدث عندك لانها بتعتمد علي المشاركة ايضا من المستخدم والاستماع للكلمات والجمل .

أفضل 10 برامج أندرويد تتعلم منها إنجليزي اون لاين مجاناً :-

1- تطبيق دولينجو Duolingo

دولينجو ده تطبيق بينزل علي الموبيل وبتقدر من خلالة تتعلم الكتير من اللغات زي الانجليزي و الالماني و الاسباني و الفرنسي وغيره الكتير من اللغات طريقته سهله وبسيطه وكأنها لعبه بالظبط تقدر تعرف كل التفاصيل هنا

إقرأ أيضاً : كورس English كامل 3 مستويات من ال British Council

2- جوجل ترجمة Google Translate

من أسهل التطبيقات الي ممكن تستخدمها و قامت بتطويرها شركة جوجل، و  التطبيق بيعتمد علي الترجمة و دايما جوجل بتحاول تطور فيه وت طور في الخوارزميات الخاصة بيه عشان يقدر يعمل علي ترجمة صحيحة مش بس للكلمات و للجمل كمان .

3- برنامج 6 Minute English

موقع BBC English بيقدم مقاطع صوتية صغيرة لمدة 6 دقائق و اغلبها عبارة عن حوار بين شخصيت في اخر الحوار بيبقي في اسئلة عن المقطع الصوتي , و بالمناسبة هو ده أسلوب امتحان الأستماع في الامتحانات الدولية زي ال IELTS , TOEFL .
و موجود script للحوار الي بيتم كمان علي موقعهم هنا
و تقدر تحمل التطبيق من هنا

4- Talk English Standard

أفضل ابلكيشن تتعلم منه انجليزي .. و هتلاقي فيه دروس لل Conversation و حاجات لل Writing و كل الي هتحتاجه عشان تقدر تطور مستواك في الانجليزي هنا

5- برنامج busuu

من التطبيقات الممتازة الي عن تجارب كتير للناس انه ساعدهم في تطوير مستواهم بشكل ملحوظ , التطبيق مش بس لتعليم الانجليزي لا كمان كل اللغات الي انت حابب تتعلمها من اول الألماني لحد الصيني و الكوري كمان .
ليه موقع لو عاوز تشتغل علي اللاب من هنا
و التطبيق من هنا

6- برنامج Voice of America

الجميل في التطبيق ده ان المحادثات الي بتم فيه بين اشخاص بتترجم للعربية و كمان المحادثات موجودة علي موقعهم
و فيه بتتعلم الإنجليزية باللهجة الأمريكية American Accent.
تقدر تحمل التطبيق من هنا

7- برنامج Learn English Podcasts

تطبيق أندرويد ممتاز يعتبر من أفضل تطبيقات تعلم الإنجليزية اون لاين مجاناً ، فيه حلقات مسجلة لتعليم الإنجليزية بلغة بسيطة وسهلة  تقدر من خلالها تتعرف على مجموعة كبيرة من المفردات الجديدة في اللغة الإنجليزية ، و كمان القواعد الأساسية للغة بطريقة سهلة ومبسطة مع وجود script كامل للحوار (نص كتابي مبسط) وإمكانية تحميل الحلقات كاملة للاستماع إليها في أي وقت بدون اتصال .

تقدر تحمل التطبيق من هنا

8- قاموس Dict Box Arabic

القاموس ممتاز بيعمل بردو علي الترجمة بين اللغات و بيساعدك جداً في انك تتعلم الانجليزي , ومميزات قاموس أوكسفورد من حيث الترجمة المتخصصة والنطق بأكثر من لهجة American Accent, British accent، و بردو توفير أمثلة عديدة لاستخدامات الكلمة وجمل كثيرة .

تقدر تحمل التطبيق من هنا

إقرأ أيضاً : الموسوعة الشاملة في تعليم الإنجليزي بدون كورسات

9-  قاموس أوكسفورد للجوال Oxford Advanced Learner’s Dict

قاموس تاني ميزة بردو فيه انه لما بتكتب جملة معينة او كلمة عشان تعرف ترجمتها بيظهرلك الترجمة بالنطق الصحيح و الواضح ليها و كمان بيحطلك الكلمة في جمل مختلفة عشان تقدر تمارس القراءة علي الجمل .

تقدر تحمل التطبيق من هنا

10- برنامج Learn English Step by Step

ده بقي تطبيق خاص للأطفال فيه مجموعة كبيرة من الدروس المصورة و فيه مجموعة من الاختبارات المختلفة و بيساعد الأطفال والمبتدئين في اللغة علي التطوير بشكل ممتاز .

تقدر تحمل التطبيق من هنا