اتعلم انجليزي في السفارة الأمريكية مجاناً و مارس اللغة مع أجانب – مجتهد

17 أغسطس 2018

تعتبر السفارة الامريكية مكان ممتاز لاي حد حابب يطور من مستواه و يتعامل مع أجانب
خلونا نعرف كل التفاصيل و المميزات في خطوات :-

1- اهم نقطه ان في حاجه اسمها Conversation Club ودي بتتعمل كل اسبوع وبيتجمع فيها اجانب علي مصريين وتتكلموا انجليش وتعلي مستواك بالممارسه لانها افضل وسيله وكمان مع اصحاب اللغه (هتلاقي الجدول بتاعهم بينزل كل شهر علي صفحتهم ولازم تقدم في الكونفيرسيشن ده قبليها وتختار مستواك عشان تقعد مع ناس في مستوى قريب منك وكل ده مجاني وده اللينك بتاعهم من هنا

2-  ممكن تشترك في القائمة البريدية علشان يوصلك الجدول الشهري بتاعهم او اي اهتمامات اخرى بتحبها
الرابط من هنا

3- في ايفنتات كتير بتتعمل هناك مجانيه ومهمه جدا كمان ممكن تحضرها بسهوله وهتلاقيها كمان في الجدول.

4- الكتب هناك جميلة جدا و معظمها انجلش بل الغالبية متهيالى نادرا لما تلاقى كتب بالعربى.

5- في هناك ” فيدوهات ” لأفلام سواء انجلش او اى لغة تانية … ما عليك بس غير انك تختار الفيلم اللى انت عيزاه ؛ و هما يشغلوه … و طبعا انت ممكن تستغل النقطة دى في صفك و خااااااااااااااصة لو شغلت ” فيلم اجنبى ” بالانجلش و تحتيه الترجمة بالانجلش برضه عشان تحسن الانجلش عندك (مهمه جدا النقطه دي)

6- ف كماااااان هناك ” النت ” فور فرى يعنى ببلاااااش من غير اى مقابل مادى و تقعدى عليه الوقت اللى انتى عيزاه بس طبعا ف نفس مواعيد العمل الخاصة بالمكتبة واجهزه ماك كمان يعني اخر حلاوه والسرعه مش هتلاقيها في اي حته

7- فيه هناك ممكن تقابل بالصدفة ” اجانب ” وممكن تصاحبهم هناك او لو معرفتش تصاحبهم ع الاقل ممكن تتكلم معاهم حتى ولو لمدة كام دقيقة عشان ع الاقل تعمل براكتيس للغة عندك بس اليومين دول المصريين مغرقينها

8- أزاي تقدم ؟
هتروح هناك وهتعمل كارنيه عضويه بصورة البطاقه بس
وانت داخل هتتفتش واي حاجه معدنيه ممنوعه لان هما هيتاخدوا يتحطوا في الامانات و وهتستردهم امرة تانية و انت خارج

9- العنوان : مترو الانفاق – محطة سعد زغلول – شارع القصر العيني

و ده الجدول الجديد لبرامج شهر أغسطس ، والذي يتضمن العديد من الأحداث المثيرة والمحاضرات وعروض الأفلام وغيرها
تقدر تشوفة من هنا

إقرأ أيضاً : مواقع و أماكن تقدر تروحها تتكلم فيها انجليزي مع اجانب