أخطر و أشهر 13 سؤال فى الأنترفيو – مجتهد

26 يوليو 2018
Ibrahim elsiofy 26 يوليو 2018 لا يوجود تعليقات 1136

الانترفيو او ( مرحلة الوحش ) من اصعب المواقف اللى بتقابلها فى حياتك

وبتتسأل فيها اسئلة بايخه جداا الحقيقه زى :-

ايه هى اهدافك المستقبليه او (شايف نفسك فين بعد 5 سنين )

ودول اهم الاسئلة اللى هتقابلها فى الانترفيو :-

1- كلمنا عن نفسك ( سواء بالعربى او بالإنجليزى )

وهنا هو مش عايز يتعرف عليك بمعلوماتك الشخصيه لأنها كده كده موجوده فى ال C.V  اصلا بتاعك قدامه

بس هنا بعد اما تعرف نفسك بمعلوماتك الشخصية الاساسية ( اسمك وسنك وكليتك ……)

اتكلم عن خبراتك اللى اكتسبتها وهتفيدك فى الشغلانه دى , عن كورساتك , عن مهاراتك

 2- ليه عايز تشتغل معانا ؟!

لازم تفهمهم انك مناسب للوظيفة بالظبط

وهتقدر تنفذ وعلى علم مهام وظيفتك

وكمان قد ايه انت محتاج الوظيفه دى وهتفرق معاك كتير

 3- ليه لازم نشغلك انت بالذات ؟؟

هنا هتقول ان المهارات بتاعتك مناسبة تماما لمتطلبات الوظيفه وان عندك الشغف انك تبدأ

4- ليه سيبت وظيفتك اللى فاتت ؟

مهما قولت اوعى تشتم فى صاحب الشركة اللى فات , او تعيب فى حد هناك

حاول تبان بمظهر احترافى وانك مبتاخدش المشاكل بشكل شخصى

ممكن تقول انك مكنتش بتتعلم حاجه جديده وعايز تتطور من نفسك فى مكان تانى وتتعلم اكتر

5-  اوصف موقف او مشكلة وازاى اتعاملت معاها

حضر موقف انت فعلا اتصرفت فيه بذكاء وتبين ان عندك مهارة حل المشكلات

6 – ايه هى اهم نقط قوتك

قول نقط القوة اللى بتتوافق مع امكانيات الوظيفه , واللى تضمنلك نجاح فى الوظيفه وحضرهم برضه قبل الانترفيو بلاش ارتجال

7 – ايه هى نقط ضعفك

برضه نفس الكلام , اوعى تقول نقط ضعف ليها علاقة بالوظيفه , بس نقط ضعف مش هتفرق معاهم فى حاجه

ممكن تقول انى بضعف ققدام الشيكلاته وانى بنسى اللى غلط فى حقى بسرعه

ممكن تقول انك كنت سلبى بس صلحت نفسى وبقيت ايجابى

ممكن تقول انك كنت انطوائى بس دلوقتى بقين انبساطى واجتماعى

8- ايه هى اهدافك المستقبليه او (شايف نفسك فين بعد 5 سنين )

سؤال سخيف الحقيقه , بس الهدف منه يبان مدى طموحك واصرارك وثقتك بنفسك

حاول متجاوبش إجابة اسخف من السؤال زى ( مكان مدير الشركه او فى نفس وظيفتى )

بس بدل من ده قول انك طورت مهارتك بدرجه معينه وانك مستقر فى شركتك وظيفياً , وانك كسبت ثقة الناس اللى حواليك وبقيت اهل خبرة وثقه

9- ايه اللى خلاك تقدم فى الشركة دى بالذات ؟

حاول من السيرش اللى عملتة فى الليله اللى قل الإنترفيو تبين انك مهتم ومعجب بالشركة وسياستها ,(حاول تطبل يعنى )

وانك شايف نفسك جزء من الشركة دى لان ليها نفس الخطوات والحلم بتاعك

10- متوقع تقبض كام معانا ؟

ودى بتبقى المفروض مرحلة التفاوض على الاجر , وهنا متقولش مبلغ اقل من الطبيعى لانك هتلبس فيه

ومتقولش مبلغ اعلى لسببين , الاول لانه اعلى من ميزانية الشركة فمش هيقبلوك والتانى انك طماع وعايز اكتر من حقك

ممكن تهرب من السؤال وتسأل عن ميزانية الشركة للوظيفه بتاعتك , او الاصيع انك تقول ان سعر الوظيفة بتاعتى فى السوق ( كذا )

11 – ايه رأيك لو قلتلك انك اترفضت معانا ؟؟

ساعتها هو بيقيس مدى ثباتك الانفعالى وما عليك يا صديقى الا ان تبتسم وتقول انك هتكرهم على وقتهم و فرصتك ان تكون موجود معاهم بتشكرهم   على وقتهم و فرصتك ان تكون موجود معاهم  .

12- عايز تسأل اى سؤال ؟!

انت تسأل اذا انت مهتم , ممكن تسأل عن الشركة
, او ازاى هتترقى او بعد ايه ؟؟

13- ايه هو اكبر فشل واجهته وازاى واجهته ؟!

وده مش حوار , قولتهم على موقف كان صعب فعلا بالنسبالك وانك اتعلمت منه كتير