افضل 10 خطوات فى إدارة وقتك – مجتهد

29 يوليو 2018
,,,,,, Ibrahim elsiofy 29 يوليو 2018 لا يوجود تعليقات 1581

ادارة الوقت

اعمل خطه ومتمشيش عليها وقولنا ماشى , بس على الاقل متضيعش وقتك هدر

استفاد بوقتك ودى شوية خطوات علشان تستفاد من وقتك اكبر استفادة

1 – رتب اولوياتك على قد ما تقدر

الأهم فالمهم برضه علشان لو الوقت مقضاش معاك يبقى عملت الأهم

2 – اكتب كل حاجه

لما تكتب كل حاجه مش هتكسل لأن نخك هياخد امر ان وراك مليون حاجه لازم تخلص , وبرضه علشان متنساش مهمه من مهامك

3 – حدد طريقك

يعنى انك تمشى ساعه فى الطريق الصح , احسن ما تمشى 1000 ساعه فى الطريق الغلط , علشان كده حدد هدفك وانت عايز توصل لإيه , قبل اما تعمل اى خطه

4- سيب الحاجه اللى مش مهمه

حاول تبعد عن الحاجات اللى بتضيعلك وقتك زى التلفزيون , والكمبيوتر

والموبايل والفيس ساعه او اتنين بالكتير فى اليوم

5 – حط مواعيد نهائية

المواعيد النهائية هتصحصحك وهتخليك تشتغل بسرعه علشان تخلص قبل الوقت

6 – بلاش مبالغة

برضه اذا اردت ان تطاع فأمر بما يستطاع , خلى لجسمك مهام يقدر يعملها , متشغلوش 24 ساعه وتديلة اهداف مش هيقدر يحققها

7 – اوعى تفتكر انك هتنجح وتكون ممتاز من اول مره

طريق النجاح صعب  , هتحس بكأبة كتير وبإحباط كتير , بس لو شاطر تقدر تخرج من الموود ده بسرعه

8 – حاول تشتغل مع ناس نشيطة

لو اشتغلت لوحدك احتمال تكسل , وبرضه متشتغلش مع كسلانين لأنهم هيكسلوك , اشتغل مع الدحيحه النشيطين , اللى لو وقفت هيساعدوك تكمل وتنجز

9 – خدلك بريك ( Break )

متحاولش تشتغل بدون توقف , اعمل عدد ساعات عمل معينه وساعات راحة محددة , علشان جسمك برضه ميتعبش

10 – قسم مهامك

متخليش التاسكات او المهمات كبيرة وتخلص على كام يوم , قسمهم كذا مهمه , لانك فى كل مهمه هتنجزها هتحس بالإنجاز وده هيديك دفعه تكمل وانك تقدر.

11 – افهم واعرف امتي تقول لأه

مهم جداً انك تعرف امتي تقول لأه للمهام اللي تقدر تأجلها لوقت تاني أو مش ضرورية، وخاصةً لو كنت صاحب عمل تجاري أو ندك شركة.

12 – راقب وقتك بأسلوب أفضل

لازم تكون بتعرف تدير وقتك بأفضل أسلوب ممكن عشان تحصل علي أفضل انتاجية، وبعدين تقدر تنظم وقتك بشكل رائع وترتب أولوياتك.

13 – تجنب تشتت الأفكار

لا تخلط بين مواعيد العمل ومواعيد المهام المنزلية، وأيضاً لاتشغل عقلك بالمشتات الكثيرة من حولك كالتلفاز والتليفون ومشاهدة الأفلام، فهذه من أكثر الاشياء التي تجعلك تفقد تركيزك، وتتوفق عن عمل المهام التي خططت لها في يومك المحدد، فالشبكات الاجتماعية ووسائل التواصل الاجتماعي من أكثر الاشياء التي تفقدك تركيزك وتجعل ذهنك مشتت طوال اليوم، ونصيحة إذا أردت تصفح الانترنت لا تتصفحه وتتواصل مع الناس عبر السوشيال ميديا في الصباح بل اجعل ذلك مساءً.

ادارة الوقت

اقرأ أيضاً:

واخيرا #اصبر + #عافر