أهم 13 خطوة لتعلم أى لغه فى العالم – مجتهد

ازاى اتعلم انجليزى بسرعة

قبل اما نعرف نصائح تعلم اى لغة ,لازم نعرف اللغه اصلا مكونه من إيه ؟؟!

اى لغة مكونه من 4 مهارات اساسين وهم :-

(  الإستماع – التكلم – القراءة – الكتابة  ) بالترتيب ,

يعنى الطفل اول اما يتولد بيبدأ  يسمع الكلام من بابا وماما

وبعدين يبدأ يتكلم ويقول بابا وماما

وبعين بابا يعلمة القراءة وبعدين الكتابة

وبناء علية اول نصيحة هتكون :-

1 – اسمع كتير

هتقدر تتعلم كتير جدااااااا من بس الاستماع للناس وهم بتكلموا انجليزى و اسمع اغانى وافلام اجنبى كتير

2- حاول تمارس اللغة

اكيد سمعت كتير ان ( اللغة  ممارسه ) حاول تتكلم كتير مع الناس من اهل اللغه

ولو معرفتش يبقى تشغل فيديوهات تعليم اللغة اللى بتعلمها من اهل اللغه نفسها وتكرر وراهم الكلام اللى بيقولوه بصوت عالى

3- القراءة

إقرأ الحاجه اللى بتحبها باللغة الجديدة اللى بتتعلمها , وده هيديك حصيلة كلمات كبيرة جداا فهتساعدك جدااا

4- البسكوته

مفيش كورس او مدرس فى الدنيا هيعلمك اللغه من الألف للياء ويديك اللغة بمعلقة

الموضوع كلة معتمد على الاساسيات من المعلم بس , الإجتهاد منك انت

5 – مفيش حد بيلم اللغه كلها ,

اللغه هتتعلم فيها كتير بس ممكن تكون ملم بالأساسيات بس

6- اللهجة بتاعتك مش عيب فيك

يعنى مثلا لما تلاقى واحد من اسوان وانت من القاهره بس هو لهجته مختلفه , فهل ده معناه انه مبيعرفش يتكلم عربى ؟؟

لا طبعا , اللهجه حاجه بتميزك , وعمرك ما هتوصل للهجه الامريكة 100% مثلا لو بتتعلم انجليزى

7 – فكر بالصينى

يعنى حاول تفكر باللغه اللى انت بتتعلمها , متحاولش تترجمها فى مخك الاول بالعربى وبعدين تترجمها , ومتخافش ده كلة بيتصلح مع الممارسة , لا تقلق

8 – اوعى تصم

متقرأش اول تقرر وانت مش فاهم معنى الكلام , خاول تعرف معنى الكلام اللى بتقولة او بتمسعه علشان تتعلم وتاخد حصيلة كلمات كتير جداا

9 – الجرامر مهم جدااا

لكن مش كل حاجه , يعنى متقعدش تحفظ جرامر وانت مش عارف تقول كلمتين على بعض , اهتم جدااا بالممارسه

10 – استخدم اللغة

حاول تتكلم مع القريبين منك باللى انت اتعلمته , زى انك تقولهم انت اتعلمت ايه بنفس اللغه اللى انت بتتعلمها

11- غير لغة اجهزتك

حاول تخلى لغة الكمبيوتر والموبايل باللغه اللى انت بتتعلمها وساعتها هتشوف اللغه اللى بتتعلمها كتير وهتتعلم بسرعه اكبر

12- اصبر

اللغه مش هتتعلمها من يوم وليله , لازم تصبر ومستسلمش

13 – اوعى تخاف انك تغلط

انت انسان هتغلط كتير , اتكلم قدام الناس واغلك عادى , وكل اما تغلط اكتر هتتعلم اسرع

ازاى اتعلم انجليزى بسرعة

#عافر

اقرأ أيضاً:

You might also like