ازاى تخلى ال CV قوى و جذاب

11 مايو 2018
Mayar 11 مايو 2018 لا يوجود تعليقات 1919

ال CV هو المرحلة الاولى فى اى شغل  و الحاجة اللى بتعبر عنك

عشان كدة كل ما تقوى ال CV كل ما تزيد فرصة ان ال HR يختارك ما بين كل اللى متقدمين

دول مجموعة نصايح لو عملتها و طبقتها على ال CV هبفرق جامد جدا معاك و هيلفت انتباة ال HR

 

1_ يفضل كتابة بالصيغة باللغة المطلوبة و الاغلب بيبقى انجليزي و لكن ساعات بيبقى محتاج العربى

لان فى ساعات شغل زى مثلا محفظة قرآن او تدريس لغة عربية و هنا بتبقى محتاج تكتب باللغة العربية

 

2_بعد ما تخلص ال CV اطلب من حد يشوفها و يقول انطباعة و كان فين نقط القوة و الضعف و لو فى اى اخطاء و يفضل يكون حد فاهم

مرحلة المراجعة مهمة جدا لان بتخليك تغير حاجات و تضيف حاجات بتقوى ال CV

حاول انك تعرض كل نقاط القوة عندك و لو نقاط ضعف فى ال CV زى مثلا انك قعدت سنتين من غير شغل يبقى فى اجابة مقنعة ليك تقدر تقولها فى الانترفيو او تبين انك فى الفترة دى فى قسم التدريبات او الكورسات كنت بتاخد كورس او تدريب او دبلومة

حاول تستخدم برامج تراجع على ال CV عشان لو كان فية غلطات لغوية ممكن تستخدم Grammarly  او spell checker 

 

3_ بلاش تهمل كتابة حاجات ممكن بالنسبالك تافهة بس من وجهة نظر صاحب العمل مهمة

زى انك مثلت جامعتك فى حاجة او حصلت على جوائز دة يدل انك مجتهد و شغال على نفسك  او اشتغلت بائع  فى الصيف دة بيبين انك بتعرف تتعامل مع الناس و عندك خبرة فى البيع او انك فى شغلك السابق حسنت من ظروف الشغل او مستوى العاملين او ادارة وقت المنظمة

 

4_ بلاش تستخدم خط كبير خلية 12 و بلاش خطوط جمالية ام مائلة و بلاش رسومات

 

5_ متكتبش قصص و استخدم الجمل القصيرة

 

6_ حاول ان يبقى مكون من صفحة او اتنين مع اكتر

لان لو كان اكتر ممكن جدا يكسل يقرا خصوصا لو جايلة فوق 500 CV

 

7_ ركز على الجوانت ذات العلاقة بالوظيفة

بمعنى لو انت مقدرم على شغل تدريس اكتب كل حاجة ليها علاقة بالتدريس و متكتبش انك اشتغلت فترة مندوب مبيعات لان دة مش هيفيدة بحاجة

معنى ان كدة ان لو انت ممكن تشتغل شغلانتين تعمل 2 CV هقولك ايوة دى الحقيقة و كل CV للشغلانة المخصص ليها

 

8_ يجب ان تكون على علم بجوانب الضعف فى السيرة الذاتية و التى تحتاج الى توضيح اكثر ف تقوم بذلك فى cover letter

زى انت قعدت قترة مفيش تقدم لية او فترة فية Gap و مشتغلتش او حابب تبين نقط قوتك اكتر

 

9_اذا كان مشروع التخرج له علاقة بالوظيفة يفضل ذكرة

على سبيل المثال هندسة او الالسن

 

10_ كلما زادت سنين الخبرة قلل من  ذكر تفاصيل قديمة زى مشروع التخرج

لان حاول تعرض المهم اوى و اللى يديك قوة اكتر لان ممكن مشروع التخرج مهم بس و انت فى بداية حياتك مش و انت خبرة

 

11_لا يستحب النماذج الجاهزة

اكيد هتسال لية هقولك لان ال CV انت بتحط فية الحاجات الاكثر اهمية فالاقل و انت اللى بتصممة و عارف فين نقط القوة و الضعف و مرتبة اما الجاهز انت مجرد بتملى خانات

 

12_ دور على  سير ذاتية لناس شغالين فى نفس المجال

دة مهم جدا لان هتفهم ال HR فى المجال دة بيهتم ان ال CV يبقى فية اية و من نفسك هتبدا تعرف اية اللي يقوى ال CV و الفرق بين ال CV بتاعك و CV غيرك

 

13_ بلاش تكتب اختصارات

عشان ممكن ال HR ميفهمش دة اختصار لاية و ممكن كتر الاختصارات بقلل فرصة حصولك خليك واضح

 

15_بلاش مبالغة فى تعظيم قدراتك

خلى خبراتك و مهاراتك و انجازاتك هى اكتر حاجة بتعبر عنك و تقدر تعبر عن دة بسهولة سواء فى ال CV او فى الانترفيو

 

16_ حاول تحدث ال CV من وقت للتانى

لو عدى فترة انت معلمتش اى حاجة تتحط فى ال CV يبقى انت مقصر فى حق تطوير نفسك

 

17_ بلاش كلمة انا

لان كترتها معناها انك مغرور و ممكن تكتبها بدون قصد بس دة الوسيلة اللى بتعبر عنك قدام ال HR

Made by ;dtdm