ازاى تطور من نفسك خلال فترة الجامعة

11 مايو 2018
Mayar 11 مايو 2018 لا يوجود تعليقات 57

فترة الجامعة بمنظور جديد

فترة الجامعة سواء 4 او 5 او 6 او 7 سنين على اختلاف الجامعات بس هى من اكتر الفرص اللى فى حياتك اللى لازم تستغلها و بشكل صحيح

الكل بيخرج من الجامعة بس مش الكل بيخرج و هو محقق انجازات و شخصية مختلفة و ممهد طريقة

طب شوية حاجات لو عملتهم هتخرج من فترة جامعية و انت كسبان 100%

 

1-اعرف ناس اكبر منك

عشان تقدر تستفيد من خبراتهم و تقدر تحل مشاكل تواجهك فى الدراسة

من الطبيعي اول ما تدخل الجامعة متبقاش عارف المفروض تذاكر ازاى او تعمل اية

عشان كدة لازم يبقى ليك حد اكبر منك يوجهك تعمل اي

 

2- انزل تدريبات او شغل

لازم تبقى عارف انك فى ظرف وقت هيمر بسرعة و هتبقى فى مواجهة الواقع

لازم تنزل تدريب و تتعلم الحياة العملية ازاى و ازاى تتعامل مع الناس

و اهتم اول انك تعمل علاقات و تنمى ال branding لان دة هيفيدك جدا بعد التخرج

 

3_ جرب حاجات مختلفة

انك تقرا عن مجال مختلف و تفهمة و تحاول تدور و تشوف نفسك فى انى مجال و توسع مداركك

المقال دة فية كل حاجة انت محتاجة سواء مواقع او تطبيقات تخص القراءة

 

4_ الصحاب

اتعرف على ناس يبقوا صحابك و يفضلوا معاك فى وقت ممكن تحتاج لحد تكلم معاة و تحكيلة و تاخد برأية

و صاحب ناس عندهم شغف و طموح و عاوزين يبقوا حاجة

على قد ما هتصاحب ناس طموحين هتتعود تبقى كدة و هتتعود تنمى نفسك

 

5_ اعمل ذكريات

اتصور و سافر و اخرج و روح اماكن جديدة و مختلفة

ممكن تشوف زى افضل اماكن الفسحة و الخروج فى مصر و فى غيرهم كتير

حاول تروح الاماكن التاريخية لان فعلا هتتعلم و تتنمى ثقافتك و هتعرف تاريخ بلدك و فعلا هتبقى مستمتع و هتنبهر

 

6_ استفيد من الدكاترة

حاول ان تستفيد منهم فى المواد الدراسية و فى الحياة عامة

لان كل واحد و عندة خبرات و كل واحد منهم هيعلمك حاجة و هو رسالة فى حياتك

حاول تتعلم و تستفيد منهم على قد ما تقدر

 

8_ الانشطة

اشترك فى الانشطة الثقافية و الرياضية و الانشطة الطلابية

على الرغم انك ممكن تكون مشغول ايام كتير لكن اللى هتسفيدة من الانشطة دى لا يقدر بثمن من تطوير مهارات و قدرات

و متوفر انشطة طلابية كتير فى الجامعة اشترك و عمرك ما هتندم و هما بيفتحوا مرتين في السنة

مرة الترم الاول و مرة الترم التانى

 

9_ اهتم بدراستك

انك تذاكر و تستفاد و تعرف مطلوب منك اية من مشاريع و تعملها على اكمل وجة و تسلمها فى وقتها

و الاهم لو تتعلم منها حاجة

ممكن تكون دراستك شايفها مش مفيدة ليك بس هتفيدك فى يوم

ممكن تتعلم حاجة هتفيدك ازاى تتعامل فى موقف معين قدام فى شغل او لو وصلت لمكانة كبير

 

10_ المنح

اهتم انك تعرف متطلبات المنح و قدم و اتعلم ازاى تقدم و افشل و جرب تانى و تالت اكيد هتكسب معارف و خبرات حتى لو مسافرتش و لو سافرت هتكسب خبرات برضة كبيرة جدا

من ضمن المواقع اكاديمية مجتهد و فرصة  و منحة دوت كوم  و منح دراسية للسوريين  و معهد اوستيو  و هوت كورسس 

 

11_ طور مهاراتك

زى مهارات العرض و التقديم و مهارات التحدث و مهارات التفاوض و غيرهم

و اهتم باللغات حاول تبقى قوى فى الانجلش

 

12_ التطوع

هتكسب علاقات و هتعمل خير و هتكسب مهارات  زى العمل الجماعى و حل المشكلات و مهارات العرض و التقديم

حاول تبقى leader  فى يوم هيخليك تكسب مهارات اكبر

 

 

13_ احضر ايفينتات و ورش

هتساعد تفكر بشكل مختلف و تطور من نفسك

هتعرف ناس اكتر و فى مجالات مختلفة

هتبدا تحدد مجالك و تحضر لناس فى المجال دة

هتبدا تعرف معلومات و مهارات جديدة

 

14_ اتعلم ازاى تعمل CV 

لان دة هيفيدك و هيساعدك لان دى المرحلة الاولى لاى شغل او تدريب

محتاج تقرا عن ال CV و تتعلم ازاى تتعمل و ابعد خالص عن ال CV الجاهزة

 

Made by Mayar Mohamed