ازاى تعمل C.V احترافى – كامل مجاناااا – مجتهد

22 يوليو 2018
,,,,, Ibrahim elsiofy 22 يوليو 2018 لا يوجود تعليقات 2945

 

لازم تبقى عارف ان ال CV ممكن يكون  الخطوة الاولى فى مشوار نجاحك وحياتك كلها , 

ومش بس ال CV لازم يكون كامل بس برضه لازم يكون شكله كويس ويجذب عين ال HR

وده طبعا لان الوظيفه الواحده بيتقدملها مش واحد او اتنين ممكن عشرات او مئات وفى بعض الوظائف يمكن الاف المتقدمين ,علشان كده لازم تكون مختلف عنهم علشان تتشاف

و احنا في مجتهد سالنا HRs في شركات مختلفة عن احسن شكل ممكن يعرض مهارات والدراسة والخبرة وتوصلنا لشكل مقبول من كتير من الـ HRs
علشان كده تقدر دلوقتي تحمل الـ CV الخاصة بمجتهد من على موقعنا من هنا

ودى الحاجات اللى لازم تظبطها فى ال CV بتاعك علشان يبقى احترافى اكتر ال CV لازم يحتوى على :- 

  • البيانات الشخصية personal information .

زى ( الاسم – تاريخ الميلاد – مكان الاقامة – رقم التليفون – البريد الإلكترونى – الحالة الإجتماعيه – العنوان – الجنسيه – الجنس  )

احيانا بعض الشباب بيخلوا الاسم فى اول الCV وباقى التفاصيل الشخصيه فى اخر ال CV

وبعض الناس بيخلوا البيانات الشخصيه كلها فى الاول , والاتنين صح

  • الهدف الوظيفى او ال Objective .

ودى بقى لازم تركز عليها جدا لانك بتكتب فيها هدفك اللى خلاك تقدم على الوظيفه دى وطموحاتك على المستوى الشخصى والوظيفى

وعلى اساسها بيقيموا طموحك ومدى استفادتهم منك فى الوظيفه دى

  • مؤهلك او تعليمك ال education .

وده هتقول فيه المؤهلات بتاعتك من الاحدث للأقدم مش العكس

فهتكتب فيه الكلية بتاعتك وسنة التخرج والتقدير بتاعك لو فوق المقبول ,

  • الخبرات المهنيه او ال Experience .

قول الخبرات والوظايف اللى اشتغلت فيها وبرضه من الاحدث للأقدم

ومتنساش المهم جدااا برضه الاعمال التطوعيه بتاعتك والانشطه الطلابيه

ودى ملهاش علاقه بحاجه مش كويسه فى الشغل الاخير او المرتب او ما شابه

  –  المهارات او ال Skills .

اذكر المهارات اللى اكتسبتها او هى عندك من صغرك زى :-

مهاراتك اللغويه – العمل الجماعى – الثقه بالنفس – مهارات التفاوض – مهارات التواصل – مهارات العرض والتقديم ….. الخ

ومهم جداااااا انك متكدبش

  • الكورسات بتاعتك ال courses .

مهم جداا تكتب الدورات التدريبيه اللى اخدتها ومدى اهميتها للوظيفه بتاعتك سواء الدورات دى كانت كمبيوتر جرافيك او حتى كورسات اداريه

    –   اللغات او ال Languages .

اللغه الام + اللغات التانيه

ومستواك فيهم على ال 4 مهارات ( الاستماع – التكلم – القراءة – الكتابة )

ملحوظة اخيرة

متحاولش تكدب فى ال CV علشان لما تروح الانترفيو هيسألوك وساعتها مش هتعرف تجاوب وهيكون شكلك وحش جداااا