الجامعة لوحدها مش كفاية .. خطوات تساعدك تطور مهاراتك لوحدك أونلاين -مجتهد

25 سبتمبر 2018

لازم تبقي فاهم ان الجامعة لوحدها مش كفاية في حياتك المهنية

لازم تطور من ال Skills بتاعتك لوحدك مع نفسك لأن صدقني هي دي الي هتميزك عن غيرك لما تتخرج

هنتكلم معاكوا علي كذا موضوع مهم لازم نهتم اننا نطور فيه مهارتنا :-

1- مفيش ادني شك ان الانجليزي مهم جداً جداً .. و المشكلة فيه اتحولت من ” انا مش لاقي مصادر أونلاين ” ل ” المصادر كتير و مش عارف ابدأ ازاي ؟ ”
الحل في الموضوع ده انك تدور علي كل المصادر الي موجودة لغايد لما توصل لمصدر انت مقتنع بيه و تقدر تذاكرة كترة المصادر ميزة مش عيب !
اختار الي علي مزاجك و ابدأ .. في اجمل من كده ؟
سمعتوا عن كورس Voice Of America ؟ كورس متكون من 40 درس صوتي الشرح (انجليزي – عربي) يعني هتقدر تذاكرة لوحدك حتي لو مبتدئ ..
الكورس مجاني و تقدر تحمل كل درس لوحده كل درس مدتة في حدود ال نص ساعة يعني لو خدت قرار مع نفسك انك تخلص كل يوم درس هتخلصه بعد شهر و عشر أيام
الكورس تفاصيل عنه و ال 40 درس من هنا

و لو مش مقتنع انك تقدر تتعلم انجليزي لوحدك .. شوف التجربة دي لشاب قدر يتعلم الانجليزي لوحدة في سنة و محدد فيها أهم المصادر الي اعتمد عليها تقدر تعرف التجربة من هنا

2- طب لو عرفت بقي تتعلم لغة تانية .. عندك معلومة ان الي معاهم ألماني دلوقتي ممكن يشتغلوا بيه بس بمرتب يوصل لل 16.000 جنية .. عرفت بقي ال Skills بتعمل ايه ؟
هتلاقي كل المصادر الي عاوزها لو عاوز تتعلم اي لغة من هنا

3- لازم تبقي فاهم ان مهارة انك تتحدث قدام الناس و انك تبقي لبق في الكلام و علي طبيعتك من غير قلق دي مهارة من اكتر المهارات المطلوبة دلوقتي في الشباب في سوق العمل .. لو عاوز تبقى متحدث قوى و مؤثر يبقى لازم تهتم بالنصايح دى من هنا

4- انك تبقي متمرس و متمكن من الكومبيوتر ده شئ مهم في اي وظيفة .. ده كتاب مفصل لشرح شهادة ال ICDL كل موضوع لوحدة نزلة و عيش تقدر تحمل الكتاب من هنا

5- سمعت عن مسابقة ال 20 كتاب في 6 شهور .. دي مسابقة تقدر تنزل فيها 20 كتاب تنمية ذات وادارة وتخصص كل أسبوع تقرا كتاب و في خلال 6 شهور هتخلص ال 20 كتاب .. تقدر تعرف المسابقة و التفاصيل والكتب من هنا

6- عاوز تروح اماكن تمارس فيها الانجليزي او اي لغة تانية مع ناس اجانب و مع شباب زيك عاوز يمارس اللغة .. دول مجموعة من المواقع و الأماكن ت قدر تروحها تمارس فيها اللغة من هنا

7- لو لسه محددتش هدفك الوظيفي و لسه تايهه و معندكش شغف معين .. حط في حساباتك ان دول 10 وظائف هيكونوا مطلوبين بكثرة في المستقبل من هنا

8- لازم تبقي عارف كويس أزاي تكتب ال CV بتاعك .. دول 17 نصيحة مهمة حطها في حسابك و انت بتكتب ال CV و كمان هتلاقي نسخة مجانية ل CV تقدر تنزلها و تعدل عليها براحتك من هنا

بالتوفيق ..

إقرأ أيضاً : ماجستير اداره الاعمال المجانى بالكامل ودبلومه اداره اعمال مجانيه