أهم 4 نصائح قبل الامتحان , وفى المذاكرة فى الوقت الضايع فى فترة الامتحانات – مجتهد

ساعات بيبقى المواد كبيرة او بتحتاج وقت كبير عشان تفهمها و تحل عليها فى طلاب بيبقى عندهم مسئوليات جمب المذاكرة و دة بيقلل الوقت الكافى للمذاكرة الحل فى المقال دة , اللى هيقدملك أفضل نصائح قبل الامتحان

أولا :- فى نصائح قبل الامتحان اعمل to do list

هتكتب كل حاجة لازم تذاكرها بالنسبة للمادة دى و تحدد كل جزء هياخد منك وقت قد اية بس خليك واقعى و انت بتحدد الوقت لان هيفرق جدا معاك فى اخر اليوم علم جمب كل حاجة انجزتها لان دة بيدي شعور انك بتنجز و قربت تخلص و بيديك حماس اكتر

ثانياً : – تقسم يومك

يعنى تعمل وقت للمذاكرة ووقت للمسئوليات و المهام اللى لازم تعملها كل يوم و مينفعش تتأجل

فى تقسيمة اسمها 7557 دى عبارة عن انك دروس 7 ساعات و 5 ساعات ترفية واكل و تعمل مهامك و 6 مذاكرة و 7 نوم

ثالثا :- القراءة السريعة

القراية بسرعة اصلا مهارة و سهل تكتسبها بتبدا تقرا كلة و تعلم على المهم عشان توفر الوقت و كما مجهود

هتقولى طب هو انا اعرف عنها ازاى ؟

هقولك شوف دول

كتاب كيف تتقن فن القراءة السريعة

 علم نفسك القراءة السريعة

القراءة السريعة

كيف اقرأ ؟

تعلم القراءة السريعة

رابعا :- الحد من ضياع الوقت

فى طرق معينة ممكن تستخدمها عشان تقلل ضياع الوقت

_ تبدا بالسهل عشان تقدر تخلص اكبر كم من المنهج لان لو بدات بالصعب ممكن تاخد وقت و تقلل حماسك و تخليك مش عاوز تكمل

_ كلمات بمعنى استخدم كلمات تفكرك بالمعلومات او جمل او مثال لان دة هيسهل عليك جدا

_ لازم اول ما تحس انك مش قادر تركز تاخد وقت راحة ليك لان دة هيساعدك تستعيد نشاطك

إقرأ أيضا :-

5 منبهات طبيعية للسهر وللمذاكرة تحتوى على الكافيين بدلا من القهوة – مجتهد
.
أربع خطوات تقوم بها لـ زيادة الثقة بالنفس و رفع روح التمكن لديك – مجتهد

You might also like