انا لية مبستفدش من الكورسات !

28 أبريل 2018
Mayar 28 أبريل 2018 لا يوجود تعليقات 526

 

كتير بقا بيتقالى انا مبستفدتش من الكورسات او الايفنتات
طب ركز معايا فى اللى جى

1_ تاني متملاش ال c.v بتاعك بأي كورسات
لازم تعرف انت عاوز ايه وبعديها بقي هتاخد كورسات اية عشان تحقق دة يبقي الخطوة اللي بعديها هتاخد الكورس فين ومع مين و فية اي

2_لما تيجي تاخد كورس شوف النقاط اللي هيتكلم عنها الكورس
اة صحيح مفيش دبلومة بتتاخد في سنتر كورسات او حاجة اسمها Mini MBA
طب هعرف منين ان نقط دى مهمة
مهم تعرف حد في المجال دة سبقك ووصل لمكانة كويسة فى المجال
متدفعش فلوس في اي كورس غير لما تحضر ع الاقل محاضرة واحدة وتشوف بنفسك هتستفيد ولا لا 🙂

3_ مهم اوي تعرف المحاضر اللي هيديك الكورس دة اشتغل قبل كدة في الكاريير دة ولا
هتقولى دة مهم ؟
هقولك جدا لأن في اختلاف بين كلام نظرى واللي بيحصل على ارض الواقع
والخبرة بتفرق كتيير اوي في شرحه
اهم حاجة اشتغل بايده الحاجة دي ونجح فيها وعرف يطبقها ولا لا

4_ بالنسبة للشهادات انت لما هتعمل انترفيو في شركة كبيرة مش هيفرق الكورس دة فين
قد ما هيفرق انت بتعرف تعمل الحاجة دي فعلا ولا لا
طبعا هتقولي لا طبعا مهم المكان
طيب فكر شوية كدة كام واحد تعرفه معاه شهادات وكورسات كتي وزيه زي اي حد في الشغل او يمكن اقل كمان ..

5_ اهم حاجة التدريب و التطبيق داخل الكورس
مهم اوي يبقي الكورس مش مجرد كلام لأن ممكن تلاقي الكلام دة في اي حتة زي النت يبقي مش المهم الماتريال اللي موجودة قد التدريبو التطبيق

6_ بنصح بالكورسات الاونلاين لان بتوفر وقت ومجهود
بس محتاج منك نشاط وعدم كسل و ملتزك بوقت كل يوم تذاكر فية

Made by Mayar Mohamed