عمل CV إحترافى نصائح لازم تخلى بالك منها وانت بتكتب السيرة الذاتية

22 نوفمبر 2019
,,,, Ibrahim elsiofy 22 نوفمبر 2019 لا يوجود تعليقات 22645

زى ما قلنا فى المقاله اللى فاتت واتعلمنا أهمية ال C.V , ولو مشوفتهاش شوفها من  هنادول بقى نصائح علشان كيفية عمل cv  إحترافى  وتنتقل لمرحلة الانترفيو , هنسيبك مع :- 

اهم 17 نصيحه فى كيفية عمل CV إحترافى

1- لخص ال C.V , هو مش موضوع تعبير

2- تجنب الأخطاء الإملائيه

3- حاول متحطش صورة الا فى حالة ان الشركة طالبة صورة او انت وسيم جداااا والصوره نقطه فى صالحك

4 – ظبط ال CV بتاعك على مقاس الوظيفه اللى انت باعتلها , وإهتم بالإنجلش 

يعنى متبعتش لشركة مالتى ناشونال وتكتب فى ال C.V انك كنت شغال عامل نظافه فى مكان تانى او لوظيفة PR وانت كاتب انك كنت شغال HR , هيبان قدامهم انك مشتت ومش عارف تختار مجال تكمل فيه

ننصحك أيضاً بقراءة :-

تحميل كورس محادثة انجليزى كامل مجانا 99 محادثة مع ملفات ال MP3 – مجتهد

5 – اوعى تكدب فى ال C.V علشان هتتسأل فى فى الانترفيو وهيطل عشكلك وحش اوووى لو كنت كذاب

6- اكتب النقط بالترتيب بتاعها زى الخبرات بتاعتك اكتبها من ((( الاحدث للأقدم )))

7 – الخط فى ال CV يفضل يكون حجم واحد الا العناوين الرئيسيه تكون اكبر شويه , انما نص ال C.V يفضل يكون من 12 : 14 فى الحج وبس مش اكتر من كده

8- الخطوط تكون عادية مش عايزين بقى الابداع فى الخطوط زى ( الخط الكوفى والتربيعى وما شابه ………) ابعد عن اى خطوط غريبه خليك فى خط النسخ

9 – خد وقتك وانت بتعمل ال C.V بتاعك ومتستعجلش , الاستعجال هيوقعك فى اخطاء كتير وهينسيك حاجات كتير

10- حاول تبين اهتمامك بالوظيفه وانك محتاجها وكمان تبين انك مؤهل ليها جدا

11 – متحاولش تحط اختصار للكلمات فى ال CV زى عناوين الكورسات اللى اخدتها , علشان ال HR ممكن يكون ميعرفش الاختصار ده وبالتالى ولا اكنك اخدت الشهاده اصلا , لانه مش هيتعب نفسه يدور على معنى الحروف اللى كتبتها

12- متستعملش الوان كتير فى ال C.V  هو مش فرح , جايز الموقع ده (( CV Maker )) يساعدك تلاقى نماذج جاهزة لل C.V

13- ابعد عن المعلومات اللى ملهاش لازمه زى ( اسم مدرستك الثانويه او الاعداديه …..)

14 – راجع ال C.V كويس بعد اما تكتبه

15 – قسم السيرة الذاتية بتاعتك على فقرات بنفس التناسق علشان تريح العين

16- اكتبها على الكمبيوتر وبلاش خط اليد , ده أ ب كيفية عمل CV

17- ياريت ال C.V  مايزيدش عن صفحتين ,

 

إقرأ أيضا :- 

افضل كورسات مجانية و دورات اون لاين لاكتساب اهم 10 مهارات للشغل – مجتهد .
.
افضل 8 كورسات مجانية لتعلم ال soft skills – مجتهد