اهم 9 خطوات للقضاء على الغضب وتغير حياتك – مجتهد

31 يوليو 2018
,,,, Ibrahim elsiofy 31 يوليو 2018 لا يوجود تعليقات 234

الغضب ممكن يزعل منك ناس كتير , وبترمى دبش كتير ساعة الغضب

وبرضه ممكن يضيع منك فرص اكتر , علشان كدة لازم تسيطر على اعصابك وتنهى الغضب من حياتك ودول اهم النصائح علشان تسيطر على الغضب واولهم :-

1 – لازم تعترف ان فية مشكلة عندك

مش هتقدر تسيطر على غضبك لو فاكر انك هادئ جدااا , لازم تكون معترف انك بتغضب بسرعه وانك عايز تبطل تغضب بسرعه

2 – كتاب فن اللامبالاة  (( هام جدا ))

حاول تبدأ في قرائة الكتاب ده لانه هيعلم أزاي تتحكم في غضبك و أزاي تقدر تتعلم اللامبالاة في مشاكل حياتك المختلفة

3 – فكر

قبل ماتحاول ترد على اللى قدامك وتقول كلام هتندم علية بعدين حاول تستنى 5 ثوانى قبل اما ترد وساعتها الرد هيتجهز فى مخك وهيكون رد مقنع ومش جارح

4 – مارس الرياضة

الخبراء اثبتوا فى دراسة ان الجرى او الرياضه عموما بتنشط الدورة الدموية والى بدورها بتخليك تسترخى بسرعه , وجسمك بيكون اكثر صحه , والجرى عموما هيصى ذهنك ويساعدك على اللإسترخاء

5 – اقطع دورة الغضب

اخرج من المكان اللى انت فيه , لو انت متعصب , حاول تبعد فترة قبل اما تفكر ترد , وامنع لحظة الغضب من الخروج

6 – الصلاة

اطلب من ربنا , وانوى النية لربنا انك عايز تبقى احسن وربنا سبحانة وتعالى هيساعدك , ده غير ان الصلاة بتساعدك على الخشوع واللى بدورة بيقلل من حدتك واستكبارك

7 – افصل

حاول تاخد اجازة فترة , بس علشان تفكر ازاى تسيطر على غضبك وهل غضبك ده مفيد او يستحق ؟؟

8 – استشر طبيب

مش عيب ولا حرام لما تسأل متخصص عن حالتك وازاى تتغير , والحقيقه كمان ان البشر مختلفين يعنى الاستراتيجية اللى تنفع معاك مش هتنفع مع حد تانى , وده اللى بيحدده بالظبط الطبيب النفسى

9 – عبر عن رأيك اول بأول

لما تكتم مشاعرك فترات طويلة , ده بيخليك تنفجر وتنفعل على مرة واحده وهو ده اكبر غلط

حاول تعبر عن نفسك ومشاعرك اول بأول

#عافر