تجارب سفر | تجربة السفر لتركيا في الصيف – مجتهد

22 سبتمبر 2018
,, ADMIN 22 سبتمبر 2018 لا يوجود تعليقات 282

التجربة لصاحبها Shady B. Mohamed

تجربة تركيا في الصيف …. لتاني مره
تركيا من اجمل دول العالم في كل فصول السنه

تعرف تسافر وتستمتع في اي وقت في السنه وبأسعار رخيصه جدا … خصوصا بعد ما سعر الليره التركي انخفض كتير لحد ما بقى الدولار ب 5 ليره
هتسافر لوحدك هتستمتع .. شهر العسل هتستمتع اكتر
هتسافر تصيف وتغير جو هتلاقي طبيعه وجمال وهدوء مش موجوده في دول عالم كتير

تجربتي لسفر لمدة اسبوع لمدة 3 ليالي في اسطنبول الي مطلعتش ظريفه خالص في الصيف بالذات لأنها زحمه جدا جدا والجو بيكون الى حدا ما حر في الظهر
و4 ليالي في مدينة فتحية الساحليه Fethiye الي تعتبر من وجهة نظري من أجمل مدن العالم
طبيعه هدوء استجمام … تقدر تعمل فيها كل حاجه تتخيلها .. قفز بالمظلات من فوق الجبال .. شواطىء من اجمل شواطىء العالم .. تجديف في اطول نهر موجود في تركيا طوله 8 كيلو .. رحلات سفاري في وسط الجبال والشلالات .. diving

مدينة فتحية مفيش فيها مطار … لكن اقرب مطار ليها على بعد 80 كيلو بس اسمه Dalaman airport تقدر تحجز مباشر ليه من برا تركيا … او ترانزيت على اسطنبول مش اكتر من ساعه
ومن المطار بتاخد باص مكيف بياخد نص ساعه لحد ما يوصلك للمدينة نفسها الي على البحر
عايز تسافر وتستمتع بأقل تكلفة … يبقى مدينة فتحية في تركيا

تحديث
تجربة تركيا في الشتاء لأول مره
وكانت قصيره لمدة 4 ايام .. الواحد استمتع بجمال الثلج على الجبال في شهر 12 وخصوصه في بلد اسمها بورصه … بتبعد عن اسطنبول بحوالي ساعتين بالباص
جمال الثلج والتلفريك من اعلى جبل في بورصه على ارتفاع 3000 متر

تركيا من اجمل دول العالم …. صيف وشتاء