تجارب سفر | تجربة سفر للسعودية للحج – مجتهد

22 سبتمبر 2018
,, ADMIN 22 سبتمبر 2018 لا يوجود تعليقات 661

التجربة لصاحبها Eman Hesham

تجربة السفر الوحيدة اللى عيشتها خارج مصر ..
سافرت الحج أغسطس 2017
و في رأيي هى دي رحلة العمر

كان إحساس جميل ان ربنا اختارني من وسط كل الوسط بتاعى انى أكون في أرض عرفات في يوم عرفة

احساس بالقرب منه رهيب لا يوصف .. احساس بالتميز عن كل الناس .. احساس بالرضا والأمل و صلاح النفس و نقاء القلب أثناء الحج و بعد الانتهاء
كان البكاء من شدة رحمة ربنا ومن عظمته .. لانى كنت بحلم بقالى 5 سنين أعمل عمرة بس و كنت كل ما أحوش فلوسها تتصرف مرة عملية ومرة احتياجات ضرورية .. و كنت برتب ورقي على انى اسافر عمرة بس هو أخرنى و حطلى عوائق في طريقي لمدة 4 شهور اجهز الورق و يرجعلى تانى منغير تأشيرة الى أن أذن الله لى بزيارة بيته الحرام و أكرمنى بأكثر ما كنت أتمنى .. أنعم عليا باحساس الرضا و الرحمة و العظمة .. أكرمنى بالحج و أنا لطالما تمنيت العمرة فقط .. لطالما تمنيت أقف أمام الكعبة و أدعوه و أستشعر قربه و سماعه لدعائي و استجابته ..
و كل دعاء دعيته في هذه الرحلة بفضل الله تحقق و بعض الادعية استجيبت ولكنها لم تتحقق و انما يهيئ الأسباب
بنصح أى حد يبتدي بالرحلة دى أولا ثم ينطلق الى رحلات العالم ..
#رحلة_العمر