تجارب سفر | تجربة سفر للمغرب – مجتهد

22 سبتمبر 2018
,, ADMIN 22 سبتمبر 2018 لا يوجود تعليقات 126

التججربة لصاحبها Riham Fakhry Dardeer

تجربة سفري للمغرب 💚

لوحدي تماما لمدة10ايام ولأول مرة اسافر برا مصر لبلد معرفش عنها غير انهم بيتكلموا فرنساوي اللي انا اصلا مبتكلموش، كل اهلي واصحابي كانوا خايفين عليا لكن الحقيقة دي احلي حاجه عملتها في حياتي واختيار المغرب خصوصا كان موفق : الناس حلوة(زوينة) بشكل مش طبيعي والبلد امان (هانية) 💚

في الطيارة من مصر لكازابلانكا نص الطيارة مغاربة ولما انتشر خبر اني مصريةولوحدي ورايحه سياحه كله بقي يقولي لازم تيجي طنجة واللي يقول تطوان وكازا وست كبيرة ندت عليا اروحلها وبقيت رايحه جايه في الطيارة ولا اكنها اتوبيس😂 ده اداني احساس فظيع بالامان اني رايحه مكان ناسه حلوة اوي💚

من اول وصولي المطار لما ظابط الجوازات عرف اني جايه لوحدي وسياحة طلع ورقة وكتبلي فيها احلي الاماكن والمزارات في المدن اللي قلتله نفسي اروحها💚
اول صدمة اخدتها كانت الترام مش معقول ياجماعه😍
البلد نضيفة ومفيش كلاكسات عربيات تقريبا والهوا نضيف فعلا!
احلي المدن بالنسبالي مراكش وشفشاون الجميلة
الاكل حلو اوي العيش والطاجين والطنجيةوزيت الزيتون وكل حاجه حرفيا😍 الكيك المغربي لوحده قصة تانية😍
الست المغربية لفتت نظري من اول يوم قوية جدا وليها كلمة💪
الحمام المغربي وما ادراكم ما الحمام المغربي💚

المعاكسات بقي في منتهي الجمال اللي هو الله تاني كده تاني😂 (زوينة مزيانه مزوينة وحط بزاف بعدهم😂)😍😍

اعتقد ان كل بنت لازم تسافر مرة لوحدها علي الاقل احساس جميل ومهم انك تكوني قادرة تاخدي قرارات كتير لوحدك تماااما في بلد غريبة مع ناس غريبة
تجربة تستاهل يتحوشلها احنا بنضيع فلوس كتير علي موبايلات ولبس وكافيهات تقدروا تعملوا كده حطوا تارجت وخطة زمنية وحلمكم هيتحقق
عشتوا مسافرين😍
Feel free to ask 💚

تعديل: انا حجزت التيكت غالي ب6000 لاني مكنتش مخططه للسفر وحجزته قبل السفر ب48ساعه
المغرب غاليه مقارنة بمصر ورخيصة مقارنه بدول تانيه
الاسعار بالتفصيل الممل😇😂
الترام ب8 درهم
معندهمش حاجه اسمها ميكروباص اومشروع بس فيه تاكسي طبعا وهو نوعين تاكسي كبير وتاكسي صغير
التاكسي فيه عداد
القطار حلو اوي هناك مش غالي ومش رخيص
ازازة المايه الكبيرة 😂 (تفاصيل اهي) ب 6 درهم
الطاجين في العادي بيتراوح من30ل50درهم

وفي اكيمدن منطقة جليد بمراكش كانب80وب100بس انا فاصلت وخدته ب50برده😂
احجزوا الاوتيلات والهوستيلز من هنا اونلاين لان انا معملتش كده وكنت بحجز بسعر اغلي من النت لكنall in all ب100درهم تقعد في هوستيل كويس في مراكش وفي شفشاون وفي ارخص كمان ممكن تنزلوا ابليكاشنHostelWorldو تحجزوا من عليه 💚
الدرهم ب2جنيه
اشتروا حاجات جلد من فاس 💚 وفاصلوا(قوليلوا انتا فاكرني اسبانيه! ده انا من مصر 😂)
زيت ارجان من مراكش 💚 50 مل ب50 درهم
زيت العود او زيت زيتون من كازا قبل الطيارة واشتروا كتير علشان اشتريت ازازة واحده لماما واتهزأت😂 لتر ونص بحوالي 65 درهم