لو عاوز تبقى متحدث قوى و مؤثر يبقى لازم تهتم بالنصايح دى – مجتهد

تطوير مهارة التحدث

نفسك تنمى مهارات التحدث امام الجمهور او بتخاف و انت واقف او عندك مشكلة فى التحدث امام الجمهور

طب دة بيبقى اسبابة كتير بس اقدر اقولك على طرق عشان تتفادى بيها كل دة

 

1_ لازم تدرس جمهورك و تعرف مستور التعليمى و الثقافى و الاجتماعى اية و هما كبار و لا شباب و رجالة و لا سيدات

طب هو دة فارق ؟ اة جدا

طريقة الشرح نفسها بتفرق يعنى مثلا لما تيجي تضرب امثلة لطلبة كلية طب لازم تبقى قريبة من مجالهم غير لما تضرب امثلة لطلبة كلية الالسن لان الامثلة هنا مختلفة تعالي معانا عشان تعرف ازاي تقدر تشتغل علي تطوير مهارة التحدث

 

2_ اهم نصيحة هى الاستعداد الجيد

يعنى اية انك تعمل بروفة مع نفسك تشوف الوقت خد قد اية و تحسب وقت للاسئلة

و تشوف اية عيوبك و انت بتعرض و يفضل ان حد يقيمك

و تعرف اية الاسئلة اللى ممكن تتسألها فى كل جزئية هتكلم عنها و ازاى تجاوب عليها

 

3_ لازم تهتم بمظهرك ان ميكونش ملفت للانتباة و يكون بسيط و شيك فى نفس الوقت

 

4_قبل ما تطلع و تكلم افتكر انك شخص ناجح

تخيل نفسك و الناس بتمدحك فى اخر التدريب او المحاضرة

اعرف ان المستمعين عاوزينك تنجح عشان يستفيدوا من المعلومات اللى انت هتقولها

 

5_ البداية لازم تبقى كويسة جدا و قوية و مختلفة عن غيرك  عشان دايما المستمع بيفتكر اول حاجة و اخر حاجة

 

6_ المستمعين سهل يملوا و عشان كدة خير الكلام ما قل و دل او انك تقول حاجة جديدة و مختلفة بالنسبالهم و انك تخليهم يطبقوا عملى كمان

 

7_ لازم تهتم بالمنبهات زى تشغيل فيديو او صور او لعبة او تغيير نبرة الصوت

 

8_لازم تهتم بالهدف المحدد من المحاضرة او التدريب و متخرجش عنة لامور فرعية

 

9_خليك طبيعي و اهتم انك تبقى متواضع و بلاش تعالى او تفاخر زيادة بالنفس

 

10_اهتم جدا ب تواصل بالعينين على كل الجمهور و انك مهتم بيهم و بتبصلهم و بتحاول تفهم هما فاهمين او لا

 

11_لو انت بتكلم بلغة مختلفة عن اللغة الام لازم تكون عارفها كويس جدا عشان تعرف تعبر عن افكار بصورة افضل

 

12_التشويق مهم جدا لازم تهتم بية حتى النهاية عشان يفضل المستمع معاك و مستنى النهاية بس لازم تكون افكارك لحد النهاية مرتية

 

13_ لو انت من الاشخاص اللى بتنسي نقاط مفيش مشكلة لما يبقى معاك كلمات تفكرك باللى المفروض هتقولة

 

14_من اصعب الحاجات هى تغيير القناعات ان يبقى الشخص اللى بسمعلك مقتنع بكلامك و لازم تبقى متقبل تسمع الراى الاخر

 

15_اهتم انك تخلص قبل الوقت المحدد بعشر دقايق و سيب الوقت دة للاسئلة او لاى ظروف طارئة ممكن تحصل اثناء التدريب او المحاضرة وبكده تكون قدرت تشتغل علي تطوير مهارة التحدث

Made By Mayar Mohamed

اقرأ أيضاً: