شرح و تحميل تطبيق آية مجانا بالتفصيل

تطبيق آية

شرح و تحميل تطبيق آية مجانا بالتفصيل

السلام عليكم ورحمة الله وبركاته. أهلا وسهلا بكم، فضل قراءة القرآن كبيرة جدا وربنا سبحانه وتعالى حقنا على القراءة وعلى التدبر وأمرنا بها ولكن ممكن يحصل أحيانا ان انت تكون في مكان ولا يوجد به مصحف وأنت نفسك تقرأ القرآن.

فالنهاردة هنتكلم عن أفضل تطبيق لقراءة القرآن ومش بس قراءة القرآن كمان التفسير اللي انت ممكن تختاره وكمان سماع القرآن لكثير من القراء انت ممكن تسمع لهم اون لاين وأكتر من كده لو انت عاوز تبحث عن أية في لحظة واحدة هتكتب ولو اسم بسيط من الآية اللي انت فاكره وهتظهر لك الآية وكل ما يتعلق بالاسم اللي انت كتبته النهارده.

 

هنتعرف مع بعض على أفضل تطبيق للقرآن الكريم على الموبايل (تطبيق آية)

خليكم معانا عشان نتعرف على التطبيق مع بعض

أهلا وسهلا بكم من جديد تطبيق آية هو تطبيق للقرآن الكريم مش بس كده ولكن فيه تفسير وكمان سماع للقرآن الكريم فأنت هتقدر تقرأ وتصلح قراءتك للاستماع اللي انت ممكن تسمعه في كل آية وفي نفس الوقت تعرف تفسير الآية في لحظة واحدة بدون ما ترجع لأي تفسير تاني خارج التطبيق.

 

في التطبيق هتلاقي فيه كل حاجة فتعالوا نتعرف كده مع بعض على التطبيق ونشوف ايه الإمكانيات اللي بيقدمها لنا انه فعلا تطبيق ممتاز جدا جدا بداية تعالوا نفتح كده مع بعض تطبيق آية زي كده وتطبيق أية بيشتغل على الأندرويد وعلى ios.

 

اول ما يفتح لنا التطبيق بي فتح لنا أحر حاجة احنا قراناها او قفلنا عليها التطبيق من الصفحة اللي بنقرا عليها القرآن وأول ما تلمس الشاشة بالشكل ده هيظهر لنا بعض الخيارات.

 

اول خيار فوق ان انت ممكن تبحث عن أية بكلمة واحدة بس يعني ايه يعني أن انت ممكن مثلا تكتب المؤمنون تمام؟ انت مش متذكر الآية الاي فيها المؤمنون بصيغة الآية بالضبط او بلفظ الآية بالضبط ولكن انت فاكر ان الآية دي فيها المؤمنون هتكتب المؤمنون هيجي لك كل حاجة متعلقة بكلمة المؤمنون اللي انت عملت عليها البحث من سورة او من أية زي كده.

اول شئ في تطبيق آية

لما نيجي نكتب كلمة المؤمنين : جت لنا مثلا سورة المؤمنون بعد كده سورة البقرة اللي فيها كلمة المؤمنون وفيها الآية اللي تتضمن الكلمة دي وآل عمران وكل اية فيها كلمة المؤمنون او الكلمة اللي انت بحثت عنها فلو انت عاوز تدور على اي اية بتدور عليها في القران فكل اللي عليك انت هتدوس على الكلمة اللي انت بتدور عليها وهيجيب لك الاية فورا.

 

ثاني شئ في تطبيق آية

هتلاقي تحت كده التفسير تفسير القران الكريم وهنا كذا تفسير مش تفسير واحد بس يعني موجود المختصر في التفسير والتفسير الميسر والتفسير للأمام السعدي حتى التفسير بالإنجليزية صحيح انترناشيونال فازاي تعرف اية أية عايزين نعرفها كل اللي علينا هتروح للآية اللي احنا عاوزين نعرف تفسيرها وندوس عليها بالشكل ده هيظهر كلمة تفسير هتلاقي الآية وتفسيرها بناء على كتاب التفسير اللي احنا عاوزين ناخد منه التفسير وبكل سهولة ويسر هنعرف تفسير الآية في ثواني بالضبط.

حاجة كمان

لو انت عندك ورد يومي وعاوز ما تقطعش المكان اللي انت وصلت له فكل اللي هتعمله هتعمل زي فاصل والفاصل ده هتكمل منه لما تبدأ في الورد التاني تاني يوم او في نفس اليوم بعدوقت تاني هتلاقي الفاصل في مكان الآية اللي انت حطيته  فيه بالظبط عشان تكمل الورد بتاعك بكل سهولة.

 

حاجة تاني لو احنا عاوزين اي ملاحظة واحنا بنقرا القرآن حان لنا اي بادرة او حاجة احنا عاوزين نكتبها ولو انت بتحضير لدرس او محاضرة وعاوز تستفيد بالآية دي وتاخد منها ملاحظات كل اللي هتعمله هتكتب ملاحظات وهتكتب الملاحظة دي في الآية دي بالشكل ده وهتلاقيها علطول اتسجلت في الملاحظات اللي عندك عشان ترجع لها في اي وقت.

شئ رائع ايضاً في تطبيق آية

انت ممكن تعمل مشاركة للآية اللي انت عاوزها بالنص او صفحة السورة اللي ممكن تشير ها على كل مواقع التواصل الاجتماعي.

 

وبضغطة واحدة بس هتعمل لها مشاركة وممكن تستمع للآية اللي انت بتقراها او الجزء اللي انت بتقراه لأحد القراء وهتلاقي القراء كتيرة جدا محتملة على التطبيق زي كده الشيخ محمود الحصري الشيخ سعد الغامدي الشيخ عبد الباسط عبدالصمد كل دول هتلاقيها على البرنامج هتعمل الآية بس اللي واقف عليها وهتسمعها عشان تعرف النطق الصحيح لها وتبدأ تقرأ بالنطق الصحيح فأنت كده بتقرا وتعرف تفسير الآية وفي نفس الوقت بتسمع النطق الصحيح للآية.

 

إقرأ أيضا:

تطبيق أية شامل للقرآن في كل حاجة وفي نفس الوقت على تليفونك

 

حاجة تانية بيتميز بيها تطبيق آية

 

ما تزعج اللي جنبك بضوء يزعجه فأنت كل اللي هتعمله هتغير على قراءة الوضع الليلي بالشكل ده وستبقى ممتازة جدا وهتشوف رؤية واضحة جدا ومتتعبش اي حد البرنامج بيدعم اللغة العربية والإنجليزية وممكن تعمل كمان نسخة احتياطية ترجع لها في اي وقت لو انت حبيت تغير تليفونك من تليفون تاني وتنزل البرنامج وتنزل النسخة الاحتياطية.

 

إقرأ أيضا: مجموعة متنوعة من الكتب المسموعة لأبن القيم

لو جينا في الجزء التاني هو جزء القراءة هتلاقي تقسيمة  التطبيق ممتازة جدا كل الصور من صفحة كذا لصفحة كذا وفي نفس الوقت هل هي مدنية او مكية وهتلاقي الارباع الربع الاول والربع التاني كل الارباع هتلتقيها بوضوح جدا من ما تفضل تدور عليها فلو انت عاوز تقرا ربع معين هتروح على الربع ده مباشرة وتقرا منه حتى في السور ما بين كل سور هتلاقي الاجزاء بتاعته يعني لو انا عاوز اوصل مثلا للجزء الرابع عشر هوصل له مباشرة من غير ما افضل ادور عليه او انزل ما بين السور وكل ده بسهولة وبضغطة زرار واحدة بس.

 

فيه تطبيق تاني ممكن يغنيك عن القراءة والاستماع والتفسير وحتى ملاحظات ومشاركة ايات على مواقع التواصل الاجتماعي عشان تؤجر عليها وبهذا النشر فتطبيق اية من اكتر التطبيقات المحببة جدا إلى قلبي.

 

وعشان كده أنصح كل واحد انه ينزل التطبيق على تليفونه عشان يكون لسانه رطب بذكر الله وبقراءة القرآن الكريم وباستماع لايات الله الحكيم وبشكر جدا القائمين على البرنامج ده والمطورين له وربنا يجازيهم عنا كل خير على المجهود اللي بيعملوه والتحديثات اللي بيعملوها من وقت التاني.

 

وأخبر استنونا في حلقات تانية عشان نتكلم عن تطبيقات تانيه احنا بنرشحها لكم في سلسلة مجربة اللي بن قم فيها كل حاجة احنا جربناها وتستفيدوا بها أفضل استفادة من اجهزة او التطبيقات او كل ما يخص التكنولوجيا والتقنية الحديثة.

تحميل تطبيق آية رابط مباشر

تستطيع تحميل التطبيق من الرابط التالي من البلاي ستور.
و للأندرويد من الرابط التالي.

المصدر من هنا

You might also like