فن التعامل مع الناس

11 مايو 2018
Mayar 11 مايو 2018 لا يوجود تعليقات 46

انك تعمل علاقات و تحافظ عليها حاجة مهمة سواء على المستوى الشخصى او على المستوى المهنى

دة مفيد لان كل ما تزود علاقاتك كل ما الناس هتحاول تعرفك على ناس اكتر

ممكن الناس دول تشاركهم فى شغل او حلم او تعمل مشروع من الصفر و يكبر

الاهم  ان العلاقات دلوقتى مهمة ان لو عدد كبير عرفك لو عرفوا ان فى فرصة شغل متاحة انت اول واحد هيعرف و بالتالى هتروح تقدم و تتعين

دول شوية حاجات لو خدت بالك منهم هيفرقوا جامد فى علاقاتك

 

1_ خلى وشك بشوش دايما و ابتسم و خليها من صفاتك المميزة

خلى الناس لما تيجي تتكلم عنك يتكلموا عن حماسك و انك ازاى شخص متفائل و عندة طاقة

هتبقى صفة حلوة و قيمة فى حياتك لان بعد كدة هتغير مفهومك فى الحياة

 

2_ خليق خلوق و اتكلم بطريقة تناسب كل شخص

هى احترام الاكبر منك  و اعلى منك مكانة

بلاش تعمل حاجة تنافى الاخلاق لان دة هيأثر عن الصورة العامة اللى الشخص واخدها عنك

 

3_ اتكلم مع الشخص اللى قدامك عن ميولة ووفق ثقافتة

يعنى مينفعش لو انت مع دكتور تفضل تكلمة عن مجالك اللى هو الهندسة هتلاقية حس ان الحوار ممل و مش عاوز يتكلم

و مينفعش تقعد تقول مثلا على حاجة انت عارف انها عكس ثقافة المكان اللى انت فية و برضة بتكلم فيها

 

4_ خليك مستمع جيد

مينفعش تكلم طول الوقت لان لازم تبقى عارف وجهة نظر اللى بتكلم معاة و بيفكر فى اية و تبين اهتمامك برأية

و الاجمل ان الاستماع دة مهارة لان العلماء اكتشفوا انها حاجة مهمة جدا للحفاظ على العلاقات

كمان بقا بيتدرس ك مهارة و لازم الناس تكتسبها

 

5_مينفعش تكون جاد طول الوقت او مرح طول الوقت لازم تعرف الاوقات المناسبة لكل شئ

خليك معتدل فى يعنى مينفعش وقت فى اختلاف فى حاجة و تهزر او وقت كلة مبسوط و تبقى شخص جاد

 

6_بلاش تبقى ناقد دايما

دور على احسن طريقة تعبر بيها عن افكارك من غير ما تضايق اللى قدامك

طريقة السندوتش انك مثلا تقول ميزة تم نقد ثم مدح

بمعنى ممكن تقول لحد ان المشروع اللى عملتة كان كوبس جدا بس كنت محتاج تظبط الشكل دة شوية بس انا واثق المرة اللى جاية هتبقى احسن لان انت شخص فعلا مجتهد

 

7_اتحكم فى اعصابك

اعرف ان مينفعش تغضب اوى او تتصرف تصرفات او تقول كلام و انت غضبان

لان كل دة هينعكس على انطباع الناس عنك و ممكن يخسرك حاجات كتير زى شغل او ناس

 

8_مش عيب انك تغلط بس العيب انك متعتذرش او انك متبقاش متسامح

 

9_متتكلمش عن حد بالسوء ابدا و خلى كل كلامك عن اى حد بالخير اللى فية بس

و حاول تبقى محايد عشان دايما اى كلمة هتقولها عن حد ممكن توصلة

 

10_ اتقرب من الناس اللى بتحبهم عن طريق الافعال البسيطة زى الهدايا الرمزية

بيفرق جدا مع الناس الامور البسيطة دى لانها فعلا بتسيب اثر حلو

 

11_ خليك مع الاشخاص اللى تعرفهم فى وقت الشدائد والاحزان و خليك دايما مقترح الحلول

بمعنى خليك سند و اختار السند

 

12_ احترم الحياة الشخصية لكل شخص و اترك مساحة شخصية و مينفعش تتدخل فيها

 

13_خليك متواضع مع الناس مش متعالى و لا متكبر لان الصفتين دول ممكن يخلوا الناس يكرهوك

 

14_متزودش فى المجاملات فى الحديث و لا تكن منافقا ممكن ان تجمل الكلام و لكن لا تتصنع

 

15_بلاش تبقي مسئ فى ظنك بالغير و خلي حسن الظن بالناس من المبادئ فى حياتك

made by Mayar Mohamed