كل التفاصيل الخاصة بموقع Coursera .. و أزاي تحصل علي دورات مجانية و شهادات معتمدة ؟ – مجتهد

24 سبتمبر 2018
,, ADMIN 24 سبتمبر 2018 لا يوجود تعليقات 4966

موقع Coursera يعتبر من أفضل المواقع الي بتقدم كورسات مجانية أونلاين و يُصنف من أفضل مواقع ال MOOCs علي الأطلاق
الموقع بيقدم كورسات مجانية في مجالات مختلفة فديوهات و PDF وغيره و من جامعات عالمية و بشهادات معتمدة و ده أكيد بيفيد بشكل قوي في ال CV الخاص بيك و بيدي ثقل ليه أزاي تقدر تعمل CV احترافي مجانااااا 

الموقع بيقدم كورسات مجانية من 150 جامعة حول العالم من 29 دولة زي جامعات ستانفورد وبكين وبنسلفانيا وميتشيغن وبرينستون وغيرها

و لكن بالرغم من كترة الكورسات عليه و حجم و قوة الكورسات الا أن معظمنا لما بيدخل الموقع بيواجه مشكلة في التسجيل و امكانية انك تاخد كورس اونلاين و تحصل علي الشهادة معتمدة كمان من الموقع

و تقدر بعد المقالة تعرف كل التفاصيل الخاصة بالتسجيل علي الموقع و أيضاً في الملف ده موضحين كل التفاصيل الخاصة بالدعم المادي Financial Aid عشان تقدر تاخد كورس مجاني بالكامل من موقع كورسيرا بالتفصيل تقدر تحمل الملف من هنا

نظام الكورسات علي موقع Coursera ؟؟

الكورسات بتبقي عبارة عن مجموعة من الفديوهات و معاها المارتيل الخاصة بيها و الي تقدر تنزلها بردو مجانا علي جهازك و تشوفها وانت بتسمع الفديوهات
الفديوهات بتبقي بالانجليزي و لكن كمان بيوضحلوا كل الكلام بالكتابة في اسفل الفديو عشان لو مستواك متوسط في اللغة او مبتدئ تقدر تقرا الكلام و تفهم اكتر

بعد مبتخلص الكورس بتعمل امتحان عشان تتأكد من فهمك للكورس و بيبقي زي مقياس و تحليل لفهمك لمحتوي الكورس

الكورس مدتة بتبقي من 4 ل 6 أسابيع و بتختلف بردو من كورس للتاني و انت تقدر تخلص الكورس في وقت قليل او كمان تأجلة و تخلص جزء و جزء بعدين في حالة انك مشغول

الكورسات كلها بتاخدها مجانا عن طريق ال الدعم المادي Financial Aid و ده بيتيح ليك انك تاخد الكورس مجانا و ده هنشرحة بردو بالتفصيل في باقي المقالة

إيه قيمة الشهادة من موقع كورسيرا ؟؟

الشهادة تقدر تحصل عليها و كمان تسجلها أونلاين علي الموقع
لما تحصل عليها و تكتبها في ال CV و تقدمها يقدر ال HR يتأكد من حصولك علي الشهادة و المحتوي للكورس من خلال الموقع

بجانب كونك حصلت علي كورسات أونلاين ده بيعتبر ميزة في حد ذاتها في أنك تكون Self Learner لأن ده بيبقي ميزة بالتأكيد في اي انترفيو

و لازم تكون متأكد من حصولك علي المحتوي العلمي الخاص بالشهادة مش مجرد الشهادة لأن في الحالة دي ممكن تبقي عيب مش ميزة

هسجل فيه إزاي ؟ واخد الشهادات ببلاش ؟؟

1- لو ما فيش عندك حساب على كورسيرا بتدخل تعمل الاول sign up اما بحسابك على الفيس او تدخل اسمك والميل و الباسورد

2- تدخل على صفحة الكورس وتضغط على ” Enroll”و تختار تاني اختيار وهو حضور الكورس كامل من غير شهادة

3- ممكن تلاقي في بعض الكورسات الاختيار التاني هو استماع للكورس او ” audit only “وده بيخليك تاخد الكورس لكن من غير الاختبارات او الشهادة

4-كورسيرا بتوفر بجانب الكورسات بتاعتها حاجة اسمها التخصصات ” Specialization ” كل تخصص عبارة عن مجموعة من الكورسات المتتالية اللي بتركز بصورة مكثفة على مهارة او مهنة معينة عايز تتعلمها .. ما تقدرش تاخد التخصص كامل الا بفلوس او لجأت للمساعدات المالية ، اما لو عايز تاخد كورسات التخصص كل واحد لوحدهفاما هتضغط على كلمة ” learn more” الموجودة في نهاية كل كورس
ولو مش موجودة هتنسخ اسم الكورس من صفحة التخصص وتدور عليه في مربع البحث بتاع كورسيرا ، وبعدين تضغط على enroll و هتلاقي كلمة audit مكتوبة بخط صغير تحت اضغط عليها ، ومالكش دعوة بموضوع الفترة التجريبية دي “free trial

لو عايز بقى تستخدم المساعدات المالية فهتلاقي تحت مربع enroll جملة
” Financial Aid is available only for learners who cannot afford the fee.”
اضغط على ” Learn more and apply” وادخل املي الاستمارة
و أيضاً في الملف ده موضحين كل التفاصيل الخاصة بالدعم المادي Financial Aid عشان تقدر تاخد كورس مجاني بالكامل من موقع كورسيرا بالتفصيل تقدر تحمل الملف من هنا

الحصول علي الشهادة ؟؟

بعد مبتخلص الكورس بتقدم للامتحان للحصول علي الشهادة و بتملي البيانات الخاصة بيك زي الاسم وصورة خاصة بيك و بتقدم طلب انك تحصل علي الشهادة من خلال الايميل بتاعك و بتتبعت بعد فترة علي ايمالك و تقدر تطبعها

افتح الموقع من هنا
و امشي مع الخطوات دي بالترتيب و هتقدر تاخد الكورس الي انت عاوزة مجاناً

إقرأ أيضاً : كورس انجليزي كامل مجانا من المعهد البريطاني BBC English Course