كل كورسات موقع كورسيرا coursera مجانا للطلاب بعد انتشار فيرس الكورونا

موقع كورسيرا coursera الطبع بعد ان حدث انتشار لفيرس كورونا علي مستوي العالم اتخذت العديد من الدول بل اصبح كل الدول الان علي الاغلب بعض الاجراءات من اجل الحفاظ علي الشباب و الطلاب من هذا الفيرس.

و اتجه موقع كورسيرا لعرض كل كورساته مجانا للشباب و الطلاب من اجل الاستفادة من الاجازة التي فرضتها عليهم الدولة للابتعاد عن الاختلاط و تقليل الاصابات بالفيرس بقدر الامكان حتي يتم انتاج لقاح او يتم محورة الفيرس و السيطرة عليه.

تفاصيل كورسات موقع كورسيرا coursera المجانية

موقع كورسيرا يوضح و يفتح طريق رائع من اجل استغلال فترة المكوث في البيت بعد الازمة الراهنة لانتشار فيرس كورونا. Coursera فتحت كل الكورسات و تخصصات ال بفلوس بقت ببلاش بمناسبة فيرس كرونة عشان ناس تقعد فى البيت و تستفيد بالوقت.
كل التخصصات الممكن تحب تتعلمها موجودة و ببلاش. و هتاجد شهادة معترف بيها من جامعات عالمة و شركات Multinational. ممكن تستفيد بالشهادة ف شغلك او دراستك. و البداية في التسجيل في موقع كورسيرا و البدء في الكورسات مجانا من الرابط التالي :

https://www.coursera.org/coronavirus


ياريت لو حتة مش هاتشترك فى اي كورس ، عرف غيرك , ممكن حد تانى يوصله المعلومة و يستفيد منها. انشر العلم.
ياريت تجرب تدور على كورس ممكن تهتم بيه و جرب. مش هاتخسر حاجة. ساعة واحدة فى اليوم ممكن تفرق معاك سنين قدام. و هتاجد حاجة تمنها الالاف من الجنيهات ببلاش. معندكش حجة انك ماتجربش

تعديل: عشان ناس يمكن مش واضح الموضوع بالنسبة لهم. المبادرة دى للطلبة بس فى كل الاحوال انت كفرد مش منتمي لاى جامعة ممكن تشترك فى اى كورس مع فارق بعض مميزات. و دى من سنين مش فترة دى بس.

مهم جداً بخصوص موقع كورسيرا


إجابة لأسئلة كتير هتسهل عليكوا الموضوع عن ما هو موقع كورسيرا بالعربي 

  • الموقع عليه كورسات في مجالات كتير جدآ منها اللغات بمختلف أنواعها، التسويق وإدارة الأعمال، الطب، الهندسة، البرمجة، الأدب، التاريخ، علم النفس؛ وحتى كيفية كتابة السيرة الذاتية والاستعداد للإنترفيو باللغة الإنجليزية؛ وأيضا الصحة والرجيم ورعاية الأطفال.
  • موقع كورسيرا تقدر تاخد اي كورس من عليه مجانا في اي وقت ويفضل في حسابك على طول بس لما تخلص الكورس مش هتاخد شهادة .. عشان تحصل على الشهادة هتحتاج تعمل الدعم المالي و ده بياخد ١٥ يوم بالظبط على ما يتم قبوله وطريقة الدعم المالي وطريقة الاشتراك في اي كورس مجانا هتلاقوها في البوست ده
  • https://bit.ly/2QijpgE
  • كل كورس  من موقع كورسيرا التعليمي لازم له دعم مالي عشان تاخد شهادة الكورس ده ( من أكتر الأسئلة اللي بتتسئلي ) .
  • الدعم المالي مش بيتعمل من الابليكشن .. يا إما تعمله من كمبيوتر او لاب .. يا إما تعمله من اي متصفح عندك عالموبايل زي ما انا شارح اي البوست … لكن الابليكشن تقدر تشترك منه في اي كورس مجانا .. بتدخل صفحة الكورس وتدوس على enroll او اشتراك بعدين تدوس على you can also audit the course او لو البرنامج عندك عربي هتدوس على يمكنك ايضا تدوين الدورة التدريبية .. كده هتكون اشتركت في الكورس مجانا وتقدر تبدأ فيه .

 

  • طريقة الدعم المالي اللي شرحتها في البوست اللي فوق ده بتتعمل لأي كورس مش الكورس اللي انا شارح عليه بس .. بنفس الخطوات بنفس الرسائل بكل حاجه .

 

  • الناس لازم تفرق بين أن في حاجه على الموقع اسمها “course” عادي وفي حاجه اسمها ” specialization” و ده عبارة عن تخصص أو مسار تعليمي متكون من اكتر من كورس ليهم علاقة ببعض وبيبدأ معاك في المجال ده من الصفر وكل كورس مستوى أعلى وكده .. لو فتحت صفحة تخصص وعجبك كورس من كورساته تقدر تاخد اي كورس من كورسات التخصص ده لوحده عادي مش لازم تاخد التخصص كله .. ولو قررت تاخد كورسات التخصص كله وتعمل الدعم المالي لكل كورس عشان الشهادة .. اي كورس هتخلصه هتاخد شهادته ولو خلصت كورسات التخصص كلها هتاخد شهادة تخصص مكتوب فيها اسماء الكورسات الخاصة بالتخصص.

 

  • لو اشتركت في اي كورس مجانا بدون عمل الدعم المالي للشهادة هتلاقي الإمتحانات مقفولة عشان لازم إما تشتري الشهادة أو تعمل الدعم المالي عشان تقدر تحل الإمتحانات.

 

  • لو عملت الدعم المالي للشهادة واتقبل … تقدر تحل الإمتحانات فقط .. تحلها صح وتنجح فيها كلها وهتاخد الشهادة على طول بعلى موقع كورسيرا مجانا دون مشاهدة اي درس.

 

  • لغة الشرح في الموقع هي اللغة الإنجليزية ومتاح الترجمة العربيه لكن مش كل الكورسات مترجمة للعربي على الموقع .. ده لينك بوست فيه اسماء اكتر من ٢٠٠ كورس مترجم للغة العربية :

 

  • https://bit.ly/38Rt5VY
  • لو اشتركت في اي كورس من موقع كورسيرا التعليمي ومدة الكورس انتهت ومدة تسليم الإمتحانات عدت .. هيظهرلك في الكورس حاجه اسمها ” rest my deadline ” هتدوس عليها هيمدلك فترة الكورس شهر كمان .
  • لو عايز. تعمل الدعم المالي وفي نفس الوقت تبدأ في الكورس على ما الدعم يتقبل .. اشترك الاول في الكورس مجانا بعدين اعمل الدعم المالي و ده هتلاقي شرحه في البوست اللي فوق 👆 .
  • الدعم المالي بياخد 15 يوم بالظبط على ما يتم قبوله … ونسبة قبوله 99% نادراً ما يتم رفض طلب دعم مالي.
  • تقدر تعمل عدد كبير جداً من طلبات الدعم المالي للكورسات .. تقريباً عدد لا محدود.
  • ” نصيحة ” متشتركش في اكتر من كورس في نفس الوقت .. خلص كورس كورس .. لأنك لو عملت كده هيجي عليك فترة هتزهق وتمل لأنك شتت نفسك .
  •  
  • موقع كورسيرا بالعربي لو عملت طلب الدعم المالي واتقبل وخلصت الكورس وحليت الامتحانات صح … اول ما تخلص اخر امتحان على طول هيجيلك رسالة عالاميل فيها لينك الشهادة .. او لو انت فاتح من الموقع تقدر تطلع الشهادة من قائمة Accomplishments في الصفحة الرئيسية .

 

  • الشهادة بتكون في صيغة PDF جودة عالية جداً جاهزة للطباعة ألوان .
  • الشهادات طبعاً هتفيدك في ال CV والشغل بس شرط إنك تكون استفدت من المحتوى .
  • لازم تعمل ال Name Verification على طول قبل ما تخلص اي كورس .. لأنك لو خلصت كورس ومعملتهاش .. ممكن يطلب منك تصور جواز السفر أو البطاقة وصورة ليك عشان تاخد الشهادة .. إنما ال Name Verification ده بتكتب اسمك بس اللي عايزه يظهر على الشهادة .

اتمنى أكون أفدتكوا

By : Mohamed Salah &

By : Abdulrahman Ibrahim

You might also like