لو بتنسى فى لجنة الامتحان …يبقى الحل هنا

13 مايو 2018
Mayar 13 مايو 2018 لا يوجود تعليقات 72

كتير من الطلبة لما بيدخلوا لجنة الامتحانات بيبداوا ينسوا المعلومات

و بيحاولوا يفتكروها بس المشكلة ان من غير فايدة و بيتكرر الامر دة كتير بس مش الكل حاول يعرف اية السبب

المشكلة ان بيضيع وقت و انت بتحاول تفتكر الاجابة خصوصا لو عارف انك مذاكر المعلومة دى كويس جدا

دول اسباب انك تنسي فى اللجنة

 

1_ قلة النوم

كتير من الطلبة بيفضلوا ليلة الامتحان انهم يناموا ساعة او اتنين بس و فى البعض مبينمش

قلة النوم هى من اكتر الاسباب ان يبقى ذهنك مش مركز و مشتت و النتيجة انك هتنسي كل المعلومات او معظمها اللى انت ذاكرتها

الحل انك تنظم مواعيد النوم انك تنام من 6 ل 8 ساعات كل يوم و انك تريح بين اوقات المذاكرة و انك تراجع كتير

 

2_  التوتر

فى مواد بتبقى تقيلة او صعبة شوية و دة سبب انك تخليك متوتر

ممكن تبقى مذاكر كويس جدا و راجعت بس للاسف التوتر هيخليك متقدرش تفتكر المعلومات اللى انت ذاكرتها

حاول تاخد نفس عميق و تهدى و افتكر انة امتحان زى اى امتحان و ان كل الاوقات هتعدى

 

3_  الاكل اللى مش صحى

ممكن تاكل اكل جاهز او شيبسي او غيرة و المنبهات و دة بيؤدى ان يقلل قدرتك على التركيز و انك تقدر تفتكر المعلومات

يفضل انك تشرب مية لانها بتقلل من التوتر و القلق فى الامتحان

 

4_ المهدئات

فى طلبة من كتر القلق و التوتر بيلجأوا للمهدئات لان دة هيخليهم اهدى  و يحسوا ان يقدروا يذكروا بتركيز

بس للاسف بيخلي الطالب بيعانى من التوتر و القلق و قلة النوم

ليها اضرار جانيبة انخفاض فى الوعى و بتؤثر على الذاكرة على المدى الطويل بالشكل السلبى

 

5_  قلة الرياضة

من فوايد الرياضة انها بتساعدك على انك تنام بشكل افضل

اليوجا مثلا بتساعدك انك تركز و بتقلل التوتر و التعب

بس بلاش تمارس رياضة محتاجة مجهود كبير او تعب كبير قبل ما تنام

’made by Mayar Mohamed