ملخص كتاب فكر تصبح غنياً أقل من 15 دقيقة قراءة

ملخص كتاب فكر تصبح غنياً

ملخص كتاب فكر تصبح غنياً , نستعرض معكم ملخص لكتاب جديد من ملخصات الكتب علي موقع مجتهد و قد عرضنا من قبل العديد من الملخصات مثل ملخص كتاب الأب الغني و الأب الفقير و ملخص كتاب العادات السبع للناس الأكثر فاعلية و ملخص كتاب أنت لست ما يخبرك به عقلك , و الأن نحن مع ملخص لكتاب شيق و هو ملخص كتاب فكر تصبح غنياً للكاتب نابليون هيل .

ملخص كتاب فكر تصبح غنياً – مقدمة 

دي مروة انا هسألها لو حد عايز يبقي غني يعمل ايه؟!
هتقولي يشتغل اكتر، في ناس شايفه ان في علاقة طردية بين المجهود اي مجهود والعائد.

لكن في الحقيقة الطريقة الوحيدة علشان تصبح غني هي بالتفكير , عشان تبقي غني مش لازم تشتغل اكتر لكن لازم تفكر اكتر افكارك اقوي بكتير من انت متخيل بس خلينا قبل مانبدأ خلينا نتفق علي مفهوم الغني .

الغني هو غني مقصدش معناه مفهوم الضيق ولا الجانب المالي بس انا قصدي المعني الواسع اللي بيشمل جودة النجاح،الانجاز ،التحقيقات،اي هدف بصورة عامة الافكار هتكون افعال والافعال هتبقي عادات والعادات هتشكل طباع والطباع هتحدد المصير وعشان تتحكم في مصيرك لازم تبدأ من افكارك اي انجاز او ثروة حققتها كانت ف البداية مجرد فكرة جوا دماغ شخص ما لو جبنا 100 شخص وفرقنا على كل واحد منهم مليون جنيه وجينا بعد سنة هنشوف كل واحد هنلاقي اللي بقا معاه 2 مليون وف اللي معاه نص مليون وف اللي رجع فقير تاني النجاح والفشل الفقر والغنى هما حالة ذهنية وطريقة تفكير.

كيف تصبح غنياً؟

عشان تجاوب علي السؤال ده عاوزك تجاوب الأول علي 5 أسئلة :

ماذا تريد؟

ملخص كتاب فكر تصبح غنياً السؤال الأول : ماذا تريد ؟
حدد الهدف ، أنت عاوز تزورني وانا مثلا ساكن ف عمارة في الدور العاشر لما وصلت لقيت الاسانسيىر عطلان قمت انت طالع على رجلك كل الادوار انت تعبت جدا وبذلت مجهود كبير بس بعد م توصل هتكتشف اني ساكن ف العمارة اللي قدامها مش العمارة دي وكل مجهودك االي انت بذلته ضاع بدون فايدة وضاع ع الفاضي ده بالظبط اللي انت هتعمله لو انت مش محدد هدفك بوضوح هتضيع مجهودك ع الفاضي.

تحديد الهدف اول خطوة فى تحقيقه ولازم يبقا واضح عشان تعرف توجه جهدك للي انت عايزه ما ينفعش تقول عايز اخس لأ قول عايز اخس 10 كيلو ، ومتقولش عايز ابقى مثقف لأ قول عايز أقرأ 5 كتب ف الشهر،ومتقولش عايز ابقى سباح محترف لأ قول عايز اتمرن 50 ساعة ف الشهر،ومتقولش عايز ابقى غني لأ قول عايز يبقا دخلي 10000 جنيه ف الشهر لازم تكون الصورة واضحة ف عقلك للي انت عاوزه .

الهدف هو الشراع للقارب بتاعك هو اللي هيحركك وبدون م تتحرك في اتجاهات عشوائية ولو هدفك كبير ممكن تقسيمه أجزاء صغيرة والاجزاء دي ترتبها على حسب وقت تنفيذها.

حدد هدفك

ملخص كتاب فكر تصبح غنياً السؤال الثاني : حدد هدفك .
حدد الغاية شوف مدرسة ابتدائي لها بوابتين على كل بوابة حارس هنسأل الاول انت بتعمل ايه؟ هيرد انا حارس البوابة هتسأل التاني انت بتعمل ايه هيرد انا بحافظ على الطلاب ومسئول عن امنهم انا بنظم دخول الطلاب وامنع اي خطر مع ان الاتنين نفس الشغل ونفس الظروف بس الاول هيصحى كل يوم الصبح ومش عاوز يروح الشغل والتاني هيصحى كل يوم ومبسوط انه رايح ،الغاية هي التي تؤدي هدفك وعملك معنى،هتخليك تؤمن اكتر بهدفك.

  • تحديد الغاية هتخلي هدفك اقوى وهيمنعك من الكسل مع مرور الوقت.
  • انا عايز اخس 10 كيلو عشان ابان بمظهر افضل واحافظ على صحتي.
  • انا عايز اقرأ 10 كتب ف الشهر عشان احسن حياتي بالافكار اللي فيها.
  • انا عايز اتمرن سباحة 50 ساعة ف الشهر عشان اكسب بطولة الجمهورية.
  • انا عايز ابطل سجاير عشان اقل توتري وتبقي طاقتي اكبر.
  • انا عايز يبقا مرتبي 10000 جنية عشان اجيب العربية اللي انا عايزها.
  • اي حد بدون هدف او غاية مش هيبقا له اي دافع للعمل.

وائل هيدخل على خالد بجردل مياه وبدون ما يكلمه هيحط راس خالد جوه الجردل بعد ثواني مش هيبقا عارف يتنفس هيحاول يرفع راسه من الميه ويقاوم عشان يخرجها ومع الوقت واخر كل نفس كان بيقل كل ما مقومته هتزيد لحد ما فى الاخر مقاومته هتوصل لاخر قوتها ويقدر يخرج راسه من الجردل ويتغلب على وائل ف الاول دوافعة كانت موجودة بس لم تكن كافية وكل شوية دوافعة بتزيد لحد ف الاخر هتوصل لحد اقصى قوته وهيقاوم لحد م يتغلب فيها على ايد وائل عشان توصل لدوافع قوية،اربط هدفك وغايتك باحاسيسك كده هتحوله لاعتقاد وهتعرف تولد اقوى دافع ممكن،الغاية هي الوقود اللي هيدور المحرك.

ما المقابل لتحقيق هدفك؟

ملخص كتاب فكر تصبح غنياً السؤال الثالث : ما المقابل لتحقيق هدفك؟  .
حدد المقابل مفيش حاجة بدون مقابل ومفيش حاجة هتجيلك بدون تعب لازم تحدد هتدفع ايه مقابل تحقيق هدفك وكل ما هدفك كبر كل م يكون المقابل كبير لازم تبقا عامل حسابك انك هتواجه عقبات ومشاكل .

  • عايز اخس 10 كيلو ف المقابل همارس رياضة كذا وهاكل اكل كذا.
  • عايز اقرا 5 كتب ف الشهر يبقا لازم اعرف انظم وقتي.
  • عايز ابطل سجاير يبقا لازم اقوي ارادتي وعزيمتي واعرف اسيطر عاى نفسي.
  • عايز مرتبي يبقا 10000جنيه ف الشهر يبقا ادرس السوق والاحتمالات والفرص كلها كويس .

استخدم وقتك جيدا

ملخص كتاب فكر تصبح غنياً السؤال الرابع : استخدم وقتك جيداً . 
حدد الموعد حدد موعد بداية التنفيذ والانتهاء وتحديد الهدف ما تخليش حاجه تشتتك ولا تاخدك من تفكيرك،رتب اولويات هدفك وقسمه لاهداف صغيرة واعمل جدول زمني له ده هيتيح لك سيطرة اكبر على يومك،وهيمنعك من تضييع الوقت وهيخليك تستخدم وقتك بشكل مثالي خليك بعيد عن التأجيل والمماطلة وخطط بواقعية ولا تبالغ ف التفاؤل .

منه عندها مشروع فى الكلية المفروض تسلمة بعد اسبوع من دلوقتي هي قيمت الوقت،قيمت الوقت بتاعه انه هياخد يومين شغل بالظبط وضيعت نص الاسبوع فى حاجات تانيه ولما بدأت تنفيذ مشروعها اكتشفت انه هياخد وقت اكتر من اللي هي حددته ومعرفتش تسلمه ف الميعاد.التسويف عامل زي بطاقة الائتمان انت مبسوط وانت عمال تأجل في المهام لكن الفاتورة هتطردك ومش هتختفي كده كده هتوصلك بعد فترة وهتدفع التمن.

لا تضيع الوقت

ملخص كتاب فكر تصبح غنياً السؤال الخامس: لا تضيع الوقت . 
حدد الخطة وابدأ التنفيذ شخص ما مش هيدي التخطيط لهدفه أهمية ! و شايف انها مش مهمة قوي وهتضيع الوقت لكن ما يقدرش يسافر بعربيته مكان جديد من غير ما يستخدم تطبيق الملاحة على الموبايل،خطط لهدفك كأنك بتخطط لرحلة ولازم تعرف ادق تفاصيلها،لو انت طالع رحلة سياحية لاوروبا مثلا مش هتسافر قبل ما تعرف هتروح فين هتبات فين وهتتنقل ازاي،وهكذا .
التخطيط والتنظيم الفكري اساس كل شئ واللي مش هيعرف يتقنه مش هيعرف يعمل اي حاجة ده هيديك القدرة انك تمتلك زمام نفسك وهيخلي التحكم في حياتك اسهل،هو السرج واللجام اللي هيخليك تثبت نفسك على ظهر الحصان وتتكحم فيه، بدون التنفيذ والالتزام هيبقا الامر كله مجرد امنية الفعل والتنفيذ هو الفرق بين النجاح والفشل انت لو فضلت سنين تقرا وتتعلم على البيانو بس مش هتعرف تلعب بيانو الا بالممارسة والتنفيذ،مش هتعرف يبقا عندك جسم رياضي الا لو مارست الرياضة،مش هتعرف تتعلم لغة جديدة الا لو تمارسها باستمرار، الذكاء والمعرفة لوحدهم مش كافيين لازم معاهم الاستمرارية وقوة الارادة.

خلينا نتخيل انا وانت هدفنا نروح النهارده ب 100 جنيه احنا ف مكان منعرفش فيه حد ولا معانا اي موارد انت اذكى مني عشرين مرة انت قررت تفكر وتخطط وف الاخر لم تنفذ حاجة انا التفت لاول شخص جنبي وقولتله هات جنيه ما ردش عليا وقولت للي بعده واللي بعده وهكذا محدش عطاني بس انا فضلت مكمل قولت ل 3000 شخص لحد م جمعت المبلغ على الرغم من انك متفوق عليا ف الذكاء بس المحاولة والاستمرار رجحت كفتي وخلتني احقق الهدف لو انت بتتزهق بسرعة انت ممكن تتمرن على الصبر عادي زي ما ممكن تفنن نفسك على اي حاجة.

خالد عايز يفتح الباب ومعه سلسلة مفاتيح فيها عشرين مفتاح هيجربهم كلهم بس هاييجي عند اخر اتنين وييأس ومش هيكمل التجارب اكيد دي سلسلة غلط انا لازم ادور على سلسلة تانية ولا حتى باب تاني مع ان المفتاح قبل الاخير كان هو اللي هيفتح الباب،ناس كتير بتفشل وبتستسلم وهما مش عارفين قد ايه كانوا قريبين من النجاح.

منصور اول ما يواجه مشكلة يفتح دولابه ويدور على شماعة مناسبة،التعليم مش كويس،البيئة وحشة،كل حاجة ماشية بالرشوة لو كانت صحتي احسن،لو كان عندي وقت، لو كنت اتعلمت كويس، لو مكانش عندي اطفال ولا مسئولية، لو كان شكلي احلى، لو كنت اصغر شوية، لو اتولدت غني، لو مكنتش عصبي، لو كان مديري بيفهم،لو كنت عايش ف دولة تانية , متبقاش زي محمود و تعد ترمي كل فشكلك دايا علي الظروف .

لا تعول على الظروف

لو مكانتش ظروفي صعبة، احساس التناصم ده مريح جدا،عايز تعرف انك بتخدع نفسك ولا لأ،لو لقيت حاجة من دي او شبهها هي اللي منعاك ف البيت التنفيذ انا معاك ان ممكن يكون التحدي صعب لكن لو دورت هتلاقي من نفس البيئة ناس عرفت تنجح وعندها نفس ظروفك وممكن اسوأ هما لم يستسلموا للمشكلة،بص للمشكلة على انها تحدي زي الناس دي،اتخلص من اي شماعة عندك ف الدولاب واتحمل نتيجة حياتك بدون اي تبرير واقبل تحديات الحياة.

المصدر : أخضر فكر تصبح غنيا – مراجعة كرتونية ل كتاب نابليون هيل

إقرأ أيضاً : ملخص كتاب فن الإغواء في أقل من 15 دقيقة قراءة