ملخص كتاب لكل مزاج علاج أقل من 15 دقيقة قراءة

لكل مزاج علاج كتاب جاين ألدرشو

ملخص كتاب لكل مزاج علاج  , نستعرض معكم ملخص لكتاب جديد من ملخصات الكتب علي موقع مجتهد و قد عرضنا من قبل العديد من الملخصات مثل

و الأن نحن مع ملخص لكتاب شيق و هو كتاب لكل مزاج علاج للكاتب جاين ألدرشو.

ملخص كتاب لكل مزاج علاج السلوكيات الخاطئة

ملخص كتاب لكل مزاج علاج , في تصرفات معينه انا كنت باعملها مش عاجباني وحاولت اعدلها قبل كده متعدلتش انا تقريبا كنت بحاول اصلحها من مكان غلط ومش بحل السبب الحقيقي اللي وراه .
ازاي ؟
خلينا نشوف تخيل واحد مشارك في سباق جري طول ما هو بيجري عمال يبص قدامه ويبص وراه يتابع الناس ويشوف مين وصل فين , اللي بيعمله ده هيخليه اما يجري بسرعه قليله علشان يتابع الناس واما هيقع على وشه و في كل الاحوال بيخسر نفسه بنفسه , دي مشكله الحسود هو بيهتم بمتابعه الناس مع انه كان المفروض يركز على السباق نفسه .
لحظت قبل كده انك بتستخف بحد او بتقلل من قيمه الانجاز الي هو عمله على الرغم من ان كل الناس شاهدين عليه بعكس كده , انت هنا على الاغلب بتحس بده وعلى فكره الشعور ده مش حاجه وحشه يعني المفروض تحبه المهم تبقى واعي بيه و توجهه , الحاجات اللي بتحسد عليها الاخرين هي الحاجات اللي احنا عايزينها لنفسنا بشكل كبير احتياجنا ده بيولد قوه , القوه دي مفيده وصحية بشرط انك توجهها للسباق مش للناس يعني بدل موجه الطاقه ليك واحسدك على الوظيفه بتاعتك لا اوجها للوظيفه نفسها مستخدم الشعور ده كدافع والتخطيط عشان احصل على اللي بحسدك عليه .

التعامل مع الغضب

ملخص كتاب لكل مزاج علاج الجزء الأول , طيب تخيل انت ماشي في شارع فاضي ولقيت حيوان هجم عليك وما فيش مفر من الهرب هتعمل ايه هتقاوم , ده ببساطه اللي بيدور في عقل اللي بيعاني من الغضب هو مقتنع انه تعرض للهجوم و بيرد رد فعل طبيعي علي اللي بيحصل له بس هو اصلا مش بيعرف يقيم المواقف ممكن يشوف موقف مفيهوش اي خطر على انه مؤذي جدا فتاخذ رد فعل قوي جدا لحد قصاده , ليه بيعمل كده ؟ لانه عنده مشكله في الاندفاع هو مشكلته الحقيقيه مع الاندفاع مش مع الغضب نفسه ولو حل مشكلته مع الاندفاع هيلاقي نفسه مسيطر على غضبه انتي مثلا اخت زوجك دائما توجه لك انتقادات على طول بتقول لك تعليقات خبيثه التعليقات دي تضايقك وده بيدفعك على الغضب وتحصل مشاكل بينكم طيب ايه رايك مره حاولي توقفي الاندفاع كده ونشوف جربي ترجعي لورا ذهنيا طبعا وخذي وضع المتفرج و كانك بتتفرجي على الموقف كله من فوق هتلاقي الحكايه من اولها لاخرها عباره عن نكته وكل كلامها اللي انت بتهجميها عليه و شايفه انه هو مؤذي وهو مش مؤذي ولا حاجه الا لو  انتي سمحت له بكده .

الملل و إلقاء تهمة الانفعال على الحوادث الخارجية

ملخص كتاب لكل مزاج علاج الجزء الثاني , لو تلاحظ بقى في جمل شبه محفوظه عند الناس بتقولها على طول زي ان العيد ده ممل و الاجازه ممله والحياه ممله بس هل ده صح ؟ لا طبعا ً , الملل مزاج مخادع الحاله المزاجيه دي سببها الحقيقي هو الرغبه لو عايز تحل مشكله الملل لو بتعاني منها لازم تبدا من هنا انت مش بريء ولا الاحداث الخارجيه هي الممله انت حاسس بالملل لانك ببساطه مش عندك رغبه عشان كده الحل هنا هو دفع النفس , ا دفع نفسك لعمل اي حاجه جديده مغامره حتى لو بسيطه جدا اركب اتوبيس وشوف هيوديك فين تصبغ شعرك بتاكل اي حاجه تسليك ولا تنتظر الاحداث تتغير .

الخوف من الانتقاد

ملخص كتاب لكل مزاج علاج الجزء الثالث , الراجل ده طول عمره ماشي جنب الحيط كان بيخاف من رد فعل الناس وتحديدا انه هم ينتقدوا لو عمل حاجه مش على هواهم بيبان كده ان السلسله اللي مكتفاه هو الخوف من الانتقاد بس اللي مكتفه في الحقيقه هو الخوف من الهجر او النبذ مش الانتقاد نفسه , لما حد ينتقدك معنى كده ان تصرفك مش عجبه مش بالضروره ان انت كشخصيه اللي مش عاجبه يعني لو اتحطيت في موقف زي ده قيم اللي حصل هل في سابقه مع الناقد ولا لا وعبر عن كلامه بطريقه ملائمه فدا يستحق الشكر لكن لو الانتقاد معه اساءه واللي بيقولوا عاوز يجرح مشاعرك ايوه في ناس بتعمل كده لاسباب كثيره كثير مثلا يحسوا بالتفوق على حسابنا او بيحاولوا يبقوا مسيطرين عليك وده طريقتهم لكده دول يجب انك تتجاهلهم ولا تهتم بكلامهم ولا تاخذ شتايمهم دي حساسيه هو مش بيشتم عشان انت تستحق شتيمه المشكله عنده مش عندك انت و في نفس الوقت لازم بردو تبقي قوي وتظهرله انك مش متأثر بكلامه و كمان تحط حدود ليه و تعرفه انه مش مسموح ليه يتكلم بشكل او بأسلوب غير لائق .

حل مشكلة عدم الثقة بالنفس

ملخص كتاب لكل مزاج علاج الجزء الرابع , البنت دي بتعاني من مشكله الثقه بنفسها عشان شايفه انها كشخص مالوش قيمه قوي احنا عندنا احتياج اننا نتلقى اعجاب والناس الثانيه نتقبلها,  الاحتياج ده بيوجه سلوكنا غصب عننا بس مش دي المشكله المشكله انه بيخلينا نحس بقيمه اكبر لجوانب معينه لشخصيتنا وتحديدا الجوانب اللي بتعجب الاخرين اكثر من الجوانب اللي بتعجبنا احنا ده سبب مشكله البنت هي بتقيم علي رأي الاخرين اكثر من رايها , هي في قصص معينه بتكون عليها تقدير الذات الاسس دي ب تنشئ من الطفوله الطفل لازم يحس انه محبوب وانه موضع اهتمام واثقه ولازم يحس بالتقدير وانه مرغوب ومستحق للاستحسان لو انت في طفولتك اهلك معلمكش الحاجات دي فانت محتاج تتعلمهم بنفسك من اول وجديد بجانب معرفه ان ما فيش اي حاجه في الحياه لها قيمه الا انت اختار ان تقيموا معايير الاخرين المهمه الاخرين نفسهم كل دول مهمين عشان انت شايفهم مهمين مش عشان هم مهمين فعلا .
تعال اقول لك على طريقه تهرب بها من سلطه الانجازات دي و وجمعها لجوه مش لبره يعني بدل ما تربط احساسك بالقيمه حتى تبني اهداف خارجيه وتشوف مثلا انك تستحق قيمه اكبر لو حصلت على ترقيه في العمل و بالطريقه دي هتفضل مهدد ايه رايك تربطها باهداف داخليه اي انجازات داخليه انت بتحققها واحد مثلا بيخاف بطريقه غير مبرره وبقى يعرف يتعامل مع الشعور ده  انجاز داخلي هو عمله وهكذا .

الشعور بعدم الامان

ملخص كتاب لكل مزاج علاج الجزء الخامس , الراجل ده شايف ان حياته اصبحت فيلم مكرر وكل يوم زي الثاني مفيش جديد التكرار دائما مربوط بعدم الامان انت لو حياتك مكرره فده على الاغلب مش حاسس بالامان , احساسك بعدم الامان يخليك تحط عوائق لنفسك العوائق والجدران دي ب يمنعوك من الخروج بره الروتين بتاعك .
ايه رايك تقيم احداث الشهر اللي فات اراهنك انك عدي قدامك فرص كثير دي حاجات كان ممكن تكسر التكرار ده بس انت اتحرمت منها انت اه بتعاني من التكرار بس ده لانك مش بتحاول تحل الموضوع او بتحاول بس بشكل غير جاد لو عايز تحل الموضوع متهربش ولا تحمي نفسك وراء الروتين اليومي ادي لنفسك فرصه وخذ قرار ان هتقبل الدعوات وتشارك في الانشطه اللي حواليك ومش هتستنى لما تتعرض عليك لا انت تخرج ودور عليها بنفسك ما حدش هيقول لك بره , وزيها برده الوحده .

الشعور بالوحدة

ملخص كتاب لكل مزاج علاج الجزء السادس , الوحده تبان على انها حاجه بتقع علينا مش حاجه احنا بنختارها بس اغلب اللى بيعانوا منها اختارها بمزاجهم لو انت من الناس دي وجينا نتكلم معاك احنا هنلاقيك عمال تستخف ب اهميه العلاقات مع الناس وعامل نفسك مش مهتم علي الاخر انت طبعا طبعا اخترت الوحده بكامل ارادتك بس بأمانه كده بينك وبين نفسك يا شيخ هل انت وحيد لانك مش بتحب الناس ؟ ولا لانك حاسس بالتهديد منهم ؟ تفرق كثير , يا حبيبي الشخص السليم هو اللي عارف قد ايه هو واحد متفرد وفي نفس الوقت معترف انه محتاج يقيم العلاقات مع الاخرين مش عايش لوحده لا متضحكش على نفسك بتبريرات فارغه , بدون التواصل مع الناس بطريقه طبيعيه هتبقى غريب الاطوار و هيجي لك اكتئاب ما تحاولش تحمي نفسك من الحياه عشان مش هو ده الحل الحل انه تقوى نفسك بحيث تستوعب المزيد منها .

التعالي ورفض الاعتراف بالصفات المكروهة

ملخص كتاب لكل مزاج علاج الجزء السابع , تعرف المتعالين اكيد انت اتعاملت مع احد منهم قبل كده لو متشابهتش معاه في وجهه نظره هتلاقيه بيهاجمك بقوه هي دي طريقته في التفكير , طالما فيه اصطدام معاه يبقى يا اما انت غبي يا اما انا غبي ما فيش عنده احتماليه التصرف نفسه هو اللي يكون غبي مثلا هو شايف ان كل اللي بيحصل دائما خطاً ترتكبه شخص ما , عشان كده تلاقيه طول اليوم بيلوم الاخرين على كل حاجه حتى على تعاسته الشخصيه .
المتعالين على الاغلب بيعملوا كده عشان صفة او عادة فيهم برفض الاعتراف بخصائص مش موافقين عليها في نفسهم , هم بياخدوا الصفه المشمئزه منها ذواتهم ويحاولوا يدمروها عن طريق كرهها في الاخرين الناس اللي هم بينتقدوا هم اكثر من غيرهم على الاغلب بيفكر وهم بنفسهم زي ما كارل يونجي كان بيقول احنا نقدر نفهم نفسنا بشكل احسن عن طريق اننا نراقب اللي يثير غيظنا في الاخرين بلاش تحكم على الناس ولما تجي تشتكي او تلوم ايه رايك تسمع كده نغمه كلامك ممكن ممكن تكون موجهه لك انت بتحاول تقول لك على صفه عندك انت محتاج تتعامل معاها .

الشعور بالتجاهل

ملخص كتاب لكل مزاج علاج الجزء الثامن , الراجل ده كان حاسس ان الناس مش مهتمه بيه بتتجاهله او مش بتتعامل معاه بالطريقه اللي هو يستحقها الراجل ده مشكلته مش مع التجاهل زي ما هو فاكر هو مشكلته في الاعتماديه ,  احنا واحنا صغيرين كنا بنعتمد في حياتنا على اهلنا بنشوف نفسنا من خلال الاسلوب اللي بيعملونا بيه , اللي اهله بيحسسوه انه امن ومحبوب هيكبر وهيبقى اقل اعتمادا على الاخرين عشان يحسوا دائما انه امن ومحبوب , لكن للاسف اللي اتحرم من كده يبقى فرصهم اكبر انهم هيقعوا في المشكله هنا ممكن موقف عادي جدا هو يشوفوا على انه تم اهماله فيه و انه تعرض للتجاهل وحتى ظلم كمان بس مش دي المشكله المشكله انهم  هيبقوا مهتمين قوي لقبول الاخرين لهم , لو الاخرين بيقبلوهم فهم كده تمام , مش قبلينهم يبقى في مشكله فيهم هم , وساعات حتى بيلجئوا لتصرفات غريبه و متطرفه ممكن مثلاً يحاول يجذب شخص من الجنس الأخر متزوج هو مش مهتم به اصلا وعارف ان مش منطقي اللي بيعمله بس السعي وراء القبول قوي جدا ومسيطر عليه , المعرفه هنا هتساعدك كثير في الحل تبقى واعي أن التجاهل اللي شايفه و واقع عليه نابع من إحساسك بالاعتمادية وتبدأ من هنا تتصالح مع ماضيك لو عانيت فيه ولا تنتظر من أحد يوفر لك الإحساس أنك آمن محبوب لازم تتعلم توفرهم لنفسك.

الشخص الانتقامي وعدم النضج

ملخص كتاب لكل مزاج علاج الجزء التاسع , آخر واحد شخص انتقامي والغريب انه مش انتقامي بياخد تاره مثلا هو مجرد بيحلم بالانتقام , الموظف عاملوه بطريقة مش عاجباه فبيفضل يحلم طول اليوم انه بينتقم منه وان الموظف بيتعذب وندمان على اللي حصل , مشكلة الراجل الحقيقية هنا هي عدم النضج طنش،انسى،كبر, الصفح هي خدمة بتقدمها لنفسك اكتر من انها خدمة للشخص اللي ظلمك نزل الراجل اللي مضايقك ده من على راسك يعني هبيقا مضايقك وكمان هتسكنه دماغك ببلاش بذمتك ده كلام.

المصدر : أخضر لكل مزاج علاج – كتاب جاين ألدرشو