ممكن يكون عندك فصام فى الشخصية وانت متعرفش ؟! – مجتهد

31 يوليو 2018

حاسس بهلاوس سمعية او بصرية ؟ , كلامك مش منتظم ومش قادر تتواصل مع اللى حواليك ؟!

شخص سلبى , وحاسس انك بتشوف اوهام ؟!

كل دى من اعراض انفصام الشخصية او الإٍسم العلمى ليه ( الشيزوفرينيا ) , وهو مرض مشهور و منتشر نسبية , بناء على احصائيات الولايات المتحده بحيث ان هناك اكتر من 21 مليون مصاب بيه على مستوى العالم

طب إية هو الإنفصام فى الشخصية ؟!

ده مرض بيخليك مش قادر تميز بين الحقيقه والواقع وبيخليك مش قادر تثق فى الأشخاص اللى بتحبهم و يعرف بإسم ( الشيزوفرينيا )

ومن اعراضة ايضا اضطراب التفكير والأوهام والهلاوس السمعية وانخفاض المشاركة الإجتماعية بالإضافة لـ إنعدام الإرادة

طب اسبابة ايه ؟؟!

1 – وراثة

انه يكون المرض متوارث فى العائلة سواء من جهة الأم او الأب واحتمال الإصابة بيتراوح بين 20 : 40 % لو كان الأباء أو الأجداد مصابين بالمرض

2 – ضمور فى الناقلات العصبية

وده بيكون بسبب تغير فى مستويات الدوبامين والسيروتين فى المخ

3 – البيئة المحيطة والأزمات العاطفية

الأزمات العاطفيى خاصة من اخطر الأسباب اللى ممكن يسبب انفصام فى الشخصية , لرغبة المريض فى الهروب من الواقع الأليم , زى ( انفصال الأبوين – أو التعرض للتنمر … الخ )  – أو برضه سوء المعيشة زى ( الهجرة  – او سوء الأحوال المادية … الح )

4 – توقف او تأخر فى مراحل النمو الطبيعى للمخ

احيانا يتوقف  النمو فى الناقلات العصبية فى الطفل  قبل اكتمالها ودى من اهم مسببات المرض , وكمان  نقص التأكسج ( نقص امداد الجسم بالأكسجين للعمليات الحيوية

5- الأدوية أو المخدرات

تناول انواع معينة من الأدوية زى المهدئات او المخدرات ( خاصة الكوكايين )  او مضادات الإكتئاب بكميات كبيرة وكمان تعاطى المخدرات المبكر

وممكن كمان المشروبات الكحولية واللى بتبقى ليها نسبة كبيرة فى الإصابة بالفصام

اعراض الفصام فى الشخصية : –

1 – الهلوسات

وهو ملاحظة منبة أو شئ وهمى من خلال  الحواس الخمسة , زى ( الهلاوس السمعية – الهلاوس البصرية )

2- اضطراب فى التفكير

وهو الشعور من الشخص المصاب ب بهرجلة واضطراب فى الأفكار و الأحاديث اللى بيقولها , وكمان ضعف المشاركة الإجتماعية والتواصل مع الأشخاص المحيطين

3 – اضطراب شديد فى الحركة

وده بيظهر فى المراحل المتطورة من المرض

4 – السلبية

وده بيتمثل فى عدم اظهار اى مشاعر , او اى تواصل بصرى , ومفيش تغير فى ملامح وجة المصاب بالفصام  , وكمان مفيش تغير فى نبرة الصوت والكلام

5- الإنطواء

العزل التام عن المجتمع بأفراده , حتى اقرب الناس الية

6 – فقدان المتعه

فقد الشهية اتجاة اى شئ كان بيحبة , او نشاط بيحب يعملة , حياته كلها بقت شبة بعض

 7 – الصمت

يلجأ المريض احيانا للصمت لإعتقادة ان الأخرين لا يصدقونة

هل يمكن الشفاء منه ؟؟!

نعم ممكن الشفاء منه ولكن يجب استشارة طبيب مختص لأنة مرض مش سهل وكمان من مضاعفاتة ( الإدمان أو الإنتحار )

العلاج : –

1 – طبيًا

  • الأدوية المضادة للإكتئاب زى ( باروكسيتين)
  • الأدوية مضادة للذهان زى ( اولانزابين )
  • واحيانا العلاج بالصدمات الكهروبائية

2 – نفسيا

  • ازالة مسببات المرض النفسية
  • اعادة ثقة المريض بنفسة

3  – اجتماعياً

  • عن طريق المشاركة الإجتماعية ومجموعات الدعم
  • احتواء الأهل والأقارب
  • تجنب تام للعزلة واحيانا ينصح بالزواج مع النصح ب ( عدم الإنجاب لتجنب توارث المرض )
  • مراكز الإيواء المبكر  واللى بتساعده يغير البيئة اللى حوالية واللى هى ممكن تكون اصلا السبب الأساسى فى الإصابة بالمرض فى المقام الأول

4 – جسدياً

  • ممارسة التمارين الرياضية ليا تأثير ايجابة تماما من الناحعقلية والجسدية على المريض
  • اليوغا أو التأمل ودول من احسن الحاجات اللى ممكن تصفى الذهن وتحسن التفير وتفومة

الوقاية  :-

يصعب الوقاية من المرض ولكن الإكتشاف المبكر يساعد فى العلاج منه بنسبة كبيرة جدااا