مواقع و أماكن تقدر تروحها تتكلم فيها انجليزي مع اجانب – مجتهد

17 أغسطس 2018

خلونا نتفق ان اهم حاجة عشان تقدر توصل لمرحلة الطلاقة في اللغة هو الممارسة
الممارسة هي الاساس و هي الي هتخليك تسمع انجليزي و تتكلم عادي بدون اي معاناة

لو عرفت انك تمارس اللغة لوحدك عن طريق الافلام و الكتب الاجنبية وغيرها من المصادر الاون لاين
يبقي تمام جداً وهتوفر علي نفسك كتير
تقدر تلاقي كل المصادر و موسوعة كاملة لأهم كورسات الانجليزي الاون لاين من هنا

و لكن في حالة انك قدرت تمارس اللغة مع اجانب فأكيد الفرصة في انك توصل لمرحلة الطلاقة في اللغة هتبقي اقوي
لان الممارسة للغة مع الاجانب يعتبر من اهم وسائل الممارسة لانك هتجبر تفكر بالانجليزي و بس

و كمان مش هتسمع و تتكلم بالانجليزي فقط و ده هيخلي عقلك يتعود بسهولة وبسرعة علي اللغة و تقدر توصل لمرحلة الطلاقة بسرعة

عشان كده هنوضحلكوا في المقالة اهم المواقع والأماكن الي تقدر تتعلم فيها الانجليزي اون لاين :-

1- Coffee Strap

في حالة انك محاج تعمل شات مع اجانب و محادثة حتي لو في المواصلات فهنا تطبيق Coffe Strap قايم علي فكرة التبادل في المحادثة مع الاجانب
و في المقابل ممكن كمان انت تعلم اللغة العربية
تقدر تحمل التطبيق من هنا

2- Coeffee.com

الموقع عبارة عن شبكة اجتماعية تضم مجموعة كبيرة من الراغبين لتعلم اللغات المختلفة
تقدر فيه تعمل شات او فويس كول او فديو كول
بتعمل اكونت علي الموقع و تنطبق في البداية عشان تلاقي حد تتحدث معاه و تبدا تمارس معاه اللغة
تقدر تدخل علي الموقع من هنا

3- Easy Language Exchange

موقع ممتاز بردو تقدر تلاقي عليه مجموعة كبيرة من الاجانب و تقدر تمارس معاهم اللغة بسهولة
و كمان فيه قسم جوا الموقع الهدف منه هو الاستفسارات و الأسئلة عن اي مصدر او معلومة عاوزها عشان تطور مستواك في اللغة و هيرد عليك مجموعة كبيرة من الاجانب والمتخصصين في اللغة
تقدر تدخل الموقع من هنا

إقرأ أيضاً : كورس انجليزي كامل مجانا من المعهد البريطاني BBC English Course

ندخل بقي علي أهم الاماكن الي تمارس فيها اللغة مع الأجانب :-

1- مكتبة السفارة الأمريكية

العنوان : خلف مجمع المحاكم في ميدان التحرير

تعتبر مكتبة السفارة الامريكية من الاماكن الممتازة الي تقدر تتعلم فيها انجليزي مع اجانب
المكان كل ما فيه مجاني
كل الي عليك انك تتابع الجدول الشهري الخاص بيهم عشان تعرف المعاد للمحادثة و التجمع
بتقام كل أسبوع مرة لمده ساعة
تقدر تعرف كل التفاصيل عنها و تسجل في البريد الخاص بيهم عشان يوصلك الجدول الشهري بتاعهم من هنا

2- الجامعة الأمريكية

العنوان : ميدان التحرير , 113شارع القصر العيني

بتقام داخل الجماعة الامريكية مجموعة كبيرة من الإيفنتات الي بتهدف الي التجمع و التحدث و التعامل مع اجانب
و من المميزات انها بتكسر حاجز الخوف و بيتم عمل كده كمان بشكل سلس و لذيذ بعيداً عن التوتر
تابع الجدول الشهري الخاص بيهم عشان تقدر تعرف المواعيد بالظبط من هنا

3- كافيه “رووم”

العنوان : 10 اتحاد المحامين بجاردن سيتي

المكان بيفتح لكل الي عندهم رغية لتعلم اللغات المختلفة زي الانجليزي و الألماني و الأسباني و غيره من اللغات
تقدر تعرف كل المواعيد الخاصة بيهم عبر صفحتهم الخاصة
و غالبا تكون من 7 ل 10 م كل أربعاء

إقرأ أيضاً : سلسلة English Vocabulary In Use العملاقة للكلمات