يعنى ايه PR ؟! , وازاى ابدأ فى المجال ده ؟!

24 يوليو 2018
,,,, Ibrahim elsiofy 24 يوليو 2018 لا يوجود تعليقات 1707

مبدأيا كلمة PR اختصار لـ ( Public relations ) او العلاقات العامه

وتعرفها هو : –

توجيه رأى الجمهور لمنتجك من خلال مشاريع غير إلكترونية أو إلكترونية ، أو عرض منتج معين لجمهور ما وخلق حلقة  إيجابية حوله،

بالعربى يعنى :-

التسويق لمنتجك , بس بطريقه مختلفة عن الطريقه اللى عارفينها بتاعة شغل التسويق العادى , يعنى من خلال العلاقات

يعنى ال PR تلجأله لما تحب تعمل مؤتمر مثلا

فهو هيجيبلك الناس اللى هتتكلم فيه , والمنظمين ليه , وهيمسك المؤتمر من اوله لأخره وهو اللى بيستقبل الضيوف ويعتبر واجهة الشركه

وهو الشخص اللى عنده علاقات كتير وارقام كل الناس وبيخلص كل المصالح اللى واقفه فى دقيقه

وهو برضه نفس الشخص اللى بيقبض كتييير اوى نظير شغله ده

طب اانا محتاج ايه علشان اكون PR شاطر ؟؟!

1- الدماغ عند الmarketeer

2 – اللسان عند الsales man

3- مهارات عرض وتقديم

4 – مهارات تواصل (( مهم جدااا )

5 – Public Speaking

وده مجال بيشتغل فيه كتير بس بينجح فى قليلين لانه صعب شوية ومحتاج صبر جامد جداااا

ازاى ابدأ فى شغل ال PR ؟!

1- غلطة كبيرة انك بتدأ اول خطوه ليك بكورس , خصوصا لو انت متعرفش حاجه عن المجال اصلا , وده طبعا لأن الكورس فى المجال ده غالى جداا

2- اقرأ عن المجال شويه واتأكد ان فيك الصفات والمهارات اللى محتاجاها وظيفة ال PR ولو مش موجوده يبقى تشتغل على نفسك لحد اما تكتسب المهارات دى

, زى مهارات التواصل , حل المشكلات , ومهارات التفاوض …)

3- ( اختياريه ) ممكن تتدرب فى نشاط طلابى او جمعية خيريه على دورك ك HR علشان تعرف اكتر عن الوظيفه وتبنى Career  ليك