أهم 7 خطوات علشان تدخل مجال الجرافيك – مجتهد

أهم 7 خطوات علشان تدخل مجال الجرافيك – مجتهد

تعلم الجرافيك

ناس كتير مش عارفة تدخل مجال الجرافيك وشايفاه صعب جداااا, بس هل عمرك فكرت إن مجال الجرافيك ليه خطوات علشان تبقى محترف فيه ؟؟!

طب دول أهم 7 خطوات علشان تدخل مجال الجرافيك وتبدع فيه كمان :-

بس قبل أما نبدأ ايه هو اصلا مجال الجرافيك ؟؟! :-

لازم تكون عارف ان الجرافيك هو الخطيط وعرض الأفكار بطريقة افضل , من خلال الأشكال المرئية والأشكال , واللى بيسهل طريقة عرض الفكرة وبيشتغل على جذب العين والفكر

وأول خطوة : إعرف هدفك و إنت لية عايز تبقى مصمم جرافيك ؟؟!

إعرف انك علشان تبدأ فى مجال وتبدع فية بالذات فى مجال زى الجرافيك , لازم تكون حابب المجال وحابب الألوان بشكل كبير وليك ذوق فيها

  • عايز تتعلمه كهواية ولا كشغل واحتراف ؟
  • عايز تشتغل فى شركة ولا تشتغل Freelancer  ؟

تانى خطوة : هختار انهى مجال فى الجرافيك  ؟!

الجرافيك مش بس صور أو فوتوشوب , ده مليون وظيفة ومجال مختلفين ,

وده الخطأ اللى بيقع فيه مبتدأين كتير , وهو انك تبقى مشتت ومش عارف هتبدأ  بإية  و عايز تبقى مصمم وخلاص ,

اختار مجال معين فى الجرافيك وإبدأ فيه سواء كان ( التحريك والمونتاج -التصميم الثلاثى الأبعاد – التعديل والتصميم ثنائى الأبعاد – الطباعه – تصميم المواقع ……….الخ )

 

تالت خطوة هى : تعلم البرامج الخاصة بالمجال اللى اخترته !

علشان مجال الجرافيك فية مجالات كتير , فية برضه برامج كتير جداا جدااا , واشهر البرامج فى المجال ده هى برامج شركة (( Adobe ))

زى مثلا مجال الطباعه والتعديل على الصور , برامج زى (( adobe photoshop – adobe illustrator- adobe indesign ))

مجال عمل اللوجو ( adobe photoshop – adobe illustrator )

تصميم الويب ( adobe photoshop – javascript- css-HTML – PHP )

مجال التصميم ثلاثى الأبعاد ( 3D MAX – MAYA – cinema 4D – blender )

الموشن جرافيك والرسوم المتحركة والمونتاج (  adobe illustrator – adobe premier – adobe – aftereffect )

وعلشان تتعلم أى برنامج من ده , فية مليون مصدر على المواقع الأونلاين تعملك أزاى تتعلم أونلاين وأولهم اليوتيوب

المرحلة الرابعه : ( قلد وإنت ساكت )

تعلم الجرافيك مش عيب أبداً إنك فى البداية تقلد فيه , إوعى تكون فاكر انك أول اما تتعلم الأدوات هتعمل تصميم محصلش :/

إنت  لازم تقلد كتير وتشوف تصميمات اكتر علشان تبدأ تكون التصور الخاص بيك للتصميمات , وتبدأ فعلا تعمل إسلوب خاص بيك

المرحلة الخامسة : النقد البناء

وأول اما تبدأ تعمل تصميمات خاصة بيك , إبدأ انشرها علشان الناس يقيموك ويعدلوا عليك وساعتها هتتعلم اكتر منهم ومن وجهات نظرهم  , وطبعا هتعرض شغلك فى جروبات المصممين اللى على الفيس بوك أو اى موقع تواصل تانى , متقتصرش النقد على عيلتك بس

المرحلة السادسة : إزاى تبدع فى مجال الجرافيك وتعمل إسلوب خاص ليك

وهنا بقى الموضوع ده مش سهل خالص بس بيجى بالممارسة والتعلم , يعنى لو اتعلمت من شخص واحد بس , هتقلد اسلوبة وهتبقى شبهه بالظبط , حاول تتعلم وتتشارك الخبرات مع اكتر من مصمم فى البرنامج الواحد , واللى هيديك خبرته فى المجال وهيساعدك تكون ذوقك التصميمى

وساعتها هتخترع إسلوب مختلف تماما عن كل الناس اللى فى الساحه وهتعمل لنفسك شخصية مستقلة

المرحلة السابعه : اعلن عن نفسك

تعلم الجرافيك هنا دى مرحلة من أخطر المراحل اللى فوق واللى اتكلمنا عنها , وهنا بقى لازم تثبت نفسك فى الساحه , مبدأيا المجال ده فيه الاف الناس اللى شغالين فيه وكل واحد فيهم ليه اسلوب خاص بيه وشغل هو متميز بيه

وبعض الناس فى المجال ده فعلا ليها شهره كبيرة بجودة اعمالها وبتكسب كتير جداااا

طب إزاى نعمل لنفسنا شهره فى المجال ده ؟؟!

انا أقولك يا ريس مبدأيا

  • هنعلن عن نفسنا , هننشر شغلنا فى كل حتة وهنطلب رأى الناس ,  اللى بطريقة غير مباشرة دعايا عن شغلنا الرائع
  • نعمل صفحات خاصة بأعمالنا على صفحات التواصل الإجتماعى زى ال Facebook
  • هيفيدك جداااااا لو اتعلمت تسويق وبالذات حاجه اسمها ( التسويق الشخصى – personal branding )
    واللى فيه هتتعلم ازاى تسوق لنفسك صح
  • ضيف ناس كتير على الفيس بوك (( من المجال بتاعك )) يعنى وسع دائرة علاقاتك لأن دول الناس اللى هيجيبولك شغل فى كذا مكان و تعلم الجرافيك علي طول وبلاش تماطل

أهم حاجه متقفش و #عافر

اقرأ أيضاً:

 

7369 مشاهدة