تجربة شاب استطاع اتقان اللغة الانجليزية في سنة أون لاين – مجتهد

تجربة شاب استطاع اتقان اللغة الانجليزية في سنة أون لاين  – مجتهد

اتقان اللغة الانجليزية في سنة أون لاين هي تجربة واقعية سرد لنا هذا الشاب تفاصيلها والصعوبات والعراقيل التي واجهته وكفيفة التغلب عليها.

استمع لتجارب الآخرين في تعلم اللغة الانجليزية وليست الكورسات المدفوعة هي الحل الوحيد فهناك البدائل المتعددة التي تجعلك تتعلم بأقل التكاليف.

سنوفر لك التجربة بكل تفاصيلها وكذا المصادر التي من الممكن أن تعتمد عليها وطرق المذاكرة وعليك بالتنفيذ والهمة.

 تجربة اتقان اللغة الانجليزية في سنة أون لاين

حابب اشارك تجربتي مع تعلم الانجليزي
انا اتعلمت اللغة في سنة تقريباً
و لوحدي بنسبة 80%
أزاي بقي ؟ هشرحلكوا

  • انا روحت خدت كورس انجليزي بعد مخلصت الثانوية علطول عشان قلت قبل مدخل الكلية اطور نفسي و كده .. و لكن للأسف مستفدتش منه اوي
  • و مكنتش حاسس اني باخد كورس انجليزي اساسا
  • بعد كده روحت خدت أفنت لمدة أسبوعين مع واحدة اجنبية في مكان كده مش فاكر اسمه والله .. الأفنت ده بقي غير تفكيري تماما عن اللغة
  • كانت الاجنبية بتقول دايما في الأفنت اننا نقدر نتعلم اللغة لوحدنا و ان الموضوع في مصر اتحول ل Business بشكل كبير الا عدد قليل جدا من الاماكن الي فعلا بتفيد و فعلاً خلتني افهم الموضوع بشكل مختلف
  • بعديها بقي بدأت اتعلم انجليزي لوحدي

الموضوع سهل ؟

لا طبعا و احيانا بيقلب علي ملل

طب النظام .. نظمت نفسك ازاي ؟

انا كنت بسمع و باخد كورسات كتير في نفس الوقت و كنت بدخلها في بعض عادي جدا الانجليزي مش رياضة
يعني مفيش حاجة هتعتمد علي حاجة الموضوع كله من وجه نظري

كلمات ثم جمل ثم ممارسة مستمرة عشان تعرف تترجم الكلمات و الجمل الي عرفتها دي لكلام تقولة صح و تسمعه .. و شكراً
الموضوع بسيط احنا الي معقدينة و الله

مصادر تعلم الانجليزية أون لاين:

انا جمعتلكوا هنا مجموعة مصادر كويسة انا اعتمد عليها في السنة دي :-

1- اعتمدت علي كورس Voice Of America و ده عبارة عن 40 درس شرح محادثة انجليزي و بعد كده شرحها بالعربي
كورس ممتاز وساعدني جدا تقدروا تشوفوا من هنا 

2- اعتمد بردو علي كورس المعهد البريطاني BBC 

3- الكورس ده بردو لو كنت لقيته مع بدايتي في التعليم كان ساعدني كتير لانه منظم جدا و مجمع اهم الفديوهات لتعليم النطق
تقدر تشوفوه من هنا

4- اخر حاجة اعتمد عليها هي اني عملت كشكول و كل يوم كنت بكتب فيه كلمات و أفعال جديدة و احفظ القديم و بعد كده اضيف جديد و اراجع علي القديم و هكذا .. دول مصادر ممتازة تقدر تنزلها عندك فيها كمية كلمات ضخمة هتساعدك في الحوار ده

و مش هتحتاجوا اكتر من كده عشان تتعلموا انجليزي وبلاش تشتتوا نفسكوا كتير
بالتوفيق يا شباب

الاجتهاد والمثابرة في تعلم اللغة الانجليزية يأتي بنتائج مثمرة حقًا لذا وجب علينا أن نتعامل مع التعلم كأسلوب حياة وواجب علينا التنظيم.

والأهم الاستمرارية في الخطة الموضوعة وإذا حدث وأن كسرت القاعدة في يوم فلا تيأس أكمل باقي الخطة بكل نشاط وهمة.

ولا تقسوا على نفسك فتكثرها استعن بتجربة اتقان اللغة الانجليزية في سنة واحدة أون لاين وتعلم منها.

الزوار شاهدوا أيضًا:

وأخيراً، شكرا لكم لقراءة المقال حتى النهاية، يمكنك قراءة المزيد من المقالات من كورسات مجانية من هنا.. مقدمة لكم من أكاديمية مجتهد

33903 مشاهدة