فى اسباب كتير انك مش عارف توصل لفرصة مناسبة أثناء البحث عن وظيفة زى قلة الفرص والمنافسة والواسطة وأنا ابحث عن شغل مقارنة ببعض الاخطاء الشائعة اللى معظمنا بيعملها اثناء البحث عن وظيفة وبتخلى وقتك ومجهودك فى البحث يضيع على الفاضى
5 اخطاء شائعة فى البحث عن وظيفة حاول تتجنبهم :
1- البحث عن وظيفة بعشوائية :–
انك توزع او تبعت ال C.V بتاعتك لعدد كبير من ايميلات الشركات او ال HR بشكل عشوائى من غير ما تعرف هم عايزين ايه وايه المؤهلات المطلوبة, لان ده هيقلل من فىرصتك بشكل كبير خصوصا لو هم مش محتاجين حد فى الوقت الحالى .
علشان كده بننصحك بقراءة :-
أفضل 7 مواقع توظيف و شركات توظيف , مع منافسة أقل – مجتهد
2- يبقى عندك C.V عامة بتقدم بيها على اى وظيفة:
كل وظيفة بتقدم عليها وليها مؤهلات مختلفة عن بقية الوظائف وعشان كده لازم تشكل ال C.V بتاعك علي كل وظيفة بتقدم عليها عشان تعرض نفسك كأنسب حد للوظيفة وتضمن وصولك لمرحلة ال Interview.
3- تقدم بس على اعلانات الوظائف اللى بتشوفها:
فرص التوظيف مش موجودة بس فى اعلانات الوظائف فا متستناش بس اعلانات الشركات عن فتح باب التوظيف عشان تبعتلها, ممكن تحدد ايه الشركات اللى نفسك تشتغل فيها وتبتدى تستهدفها وتعمل بحث عنها اكتر وتتواصل مع موظفين فيها عن طريق LinkedIn وتسأل عن الفرص الشغل او التدريب المتاحة حاليا جوا الشركة عشان تقدم عليها.
4 – انك ترفض شغلانة بسيطة او صغيرة فى بداية حياتك المهنية:
كلنا نفسنا نشتغل فى وظيفة احلامنا من البداية بس ده صعب تحقيقه فى الواقع العملى,
ممكن تقبل بوظيفة بسيطة فى البداية أثناء البحث عن وظيفة فى سبيل انك تتعلم منها او حتى مصدر دخل مؤقت لغاية ما تلاقى فرصة مناسبة او تشتغل على نفسك ومؤهلاتك, وده مش عيب او غلط طول ما انت واعى بوضعك وبتسعى لتغييره للاحسن, والفرص الصغيرة هى اللى بتجيب الفرص الكبيرة
5- انك متعملش Follow Up بعد التقديم على وظيفة :
متابعتك للنتيجة وسؤالك على ال Feedback من المقابلة هتوضح اهتمامك بالشركة وهتسيب عنك انطباع جيد وممكن تخليهم يرشحوك لفرصة تانية لو متقبلتش او على الاقل هيوضحولك سبب رفضك عشان تتعلم من اخطائك وتحسن من نفسك وتبقى اتعلمت من التجربة , وعرفت إزاى ابحث عن شغل صح .
اهم الملحوظات عند البحث على وظيفة لازم تعرف التالى
1- لازم شكل ال CV يكون قوى و جذاب
2- افضل طرق للرد على اسئلة الانترفيو الصعبة
3-لازم تخلى بالك من اخطر 11 خطأ فى الانترفيو
4-اهم 13 سؤال فى الانترفيو
5- اهم 17 نصيحة و انت بتعمل ال CV