تجارب سفر | تجربة السفر لامريكا الجنوبية – مجتهد

تجارب سفر | تجربة السفر لامريكا الجنوبية – مجتهد
تجربة السفر لامريكا الجنوبية
تجربة السفر لامريكا الجنوبية

تجربة السفر لامريكا الجنوبية تجربها حقًا تستحق ولكن عليك أن تحدد أولًا قبل البحث والسفر عن أسباب السفر إذا كانت للسياحة أم العمل. نوفر لك تجربة من واقع الحقيقة لشخص يحكي تجربته في السفر إلى أمريكا الجنوبية ولكن إن أردت أن تعرف المزيد الآن عليك التعرف على غلإجراءات الاحترازية لضمان الاستماع الحقيقي بالرحلة.

السياحة في أمريكا الجنوبية و تجربة السفر لامريكا الجنوبية:

تجربة السفر لامريكا الجنوبية يروريها صاحبها  قائلًا: أنا Muhammad Abdel Rahman

تجربة السفر لامريكا الجنوبية كانت اجمل تجربة سفر في حياتي

قضيت شهر في امريكا الجنوبية زرت فيه البرازيل والارجنتين وتشيلي والنهاردة عايز اتكلم علي البرازيل!
انا زرت البرازيل عشان احضر كرنفال ريو دي جانيرو، وكان فعلا اكتر activity استمتعت بيها في امريكا الجنوبية، استعملت couch surfing في اغلب مدن البرازيل والارجنتين وتشيلي وبجد اقدر اقول اني مشفتش ناس ودودة وطيبة وعشرية زي الاتنيين! اجمل ناس قابلتهم وخلوا رحلتي ليها طعم مختلف، عملت فعلا friends for life!
المهم بعد ما قضيت 10 ايام في البرازيل

أماكن سياحية في أمريكا الجنوبية:

دي الحاجات اللي لاحظتها في ٤ مدن زرتها هناك:

  • ممكن تبقي راكب الباص وحد يشغل اغاني علي الموبيل او كرنفال في الشارع وتلاقي الباص كله بيرقص ” عادي جدا ” الاتنيين شعوب محبة للحياة
  • مش قادر اوصفلكم اد ايه كرنفال ريو دي جانيرو حاجة ضخمة وعظيمة
  • كرنفال ريو دي جانيرو اكبر استعراض بيتعمل في العالم، البرازيل كلها بتكون اجازة لمدة ١٠ ايام في شهر فبراير والبلد كلها بتكون في الشارع بتحتفل وبترقص والكرنفال بيتنافس فيه ١٢ مدرسة من مدارس السامبا!
  • ساوباولو ثالث اكبر مدينة في العالم من حيث السكان بس المدينة منظمة جدا وامان جدا ممكن تنزل تتمشي الساعة 12 بليل…انا بحب المدن الكبيرة وحقيقي انا استمتعت بساوباولو!
  • كل كورنر شفته في ساوباولو وريو دي جانيرو هتلاقي فيه بار او night club
    ال night life رهيبة في البرازيل بجد!
  • جمال البرازيل الحقيقي في بساطتها والالوان اللي فيها والناس الطيبة المجانين اللي عايشين فيها

تابع تفاصيل تجربة السفر لامريكا الجنوبية:

  1. توقف حد في الشارع تساله علي عنوان يرد عليك ويسالك انت منين؟ طب زرت المكان الفلاني؟ ويرشحلك اماكن تروحها، الناس طيبين جدا وبيضحكوا دايما
  2. المياه غالية فشخ هنا! زجاجة المياه النص لتر ب25 جنيه..انا اشتريت مياه امبارح ب200 جنيه
  3. الفاكهة غالية فشخ فشخ فشخ امبارح اشتريت شوية فاكهة مش كيلو ولا نص كيلو لا واحدة من انواع مختلفة لقيت نفسي دافع 600 جنيه
  4. الطبيعة والالوان وموسيقي السامبا والرقص = البرازيل
  5. البلد غالية خصوصا المواصلات تذكرة الباص ب20 جنيه والمترو نفس الكلام..طبعا انسي انك تركب تاكسي هناّ!
  6. تاني الناس دايما مبتسمة هناك
  7. طبعا الفصول معكوسة هنا فدلوقتي عز الصيف في البرازيل..الجو حر جدا والرطوبة بتوصل ل 85%!

– الناس طيبين جدا جدا وفاكيين وبيحبوا يستمتعوا بحياتهم جدا ودايما بيضحكوا وبيبقوا عايزين يساعدوك حتي لو مبيتكلموش انجليزي هيتشقلبوا عشان يساعدوك…البرازيلين شعب بيحب الهلس والفرفشة

نادرا لما تلاقي حد بيتكلم انجليزي هنا!!!

أسرار وتفاصيل عند السفر لـ أمريكا الجنوبية:

البنية التحتية في البلد رهيبة والمعمار البرتغالي عظيم جدا جدا!

البلد فيها تنوع كبير عايز طبيعة هتلاقي مدن متطورة هتلاقي شوبينج هتلاقي شواطئ هتلاقي البلد فيها كل حاجة!

قابلت برازيليين كتير اليومين اللي فاتوا وكل ما حد يسالني انت منين اقوله من مصر يقولي انا نفسي اجي مصر اوي واركب جمل عند الاهرامات

حصلي قصة ظريفة في اكبر كاتدرائية في ساوباولو…الموظفة بتقولي انت منين ؟ قلتلها مصر قالتلي ده انت لازم تمضيلي علي اوتجراف بقي!

وحكتلي ان من كذا سنة كان في ساوباولو حملة لترويج السياحة في مصر وكانت الناس واقفة بالطوابير عشان تشوف ماكيتات للموميات والاثار الفرعونية بتقولي المرور

كان واقف يومها والدنيا زحمة بسبب كمية الناس اللي كانت عايزة تعرف اكتر عن مصر وتزور مصر في يوم من الايام

أقرأ ايضا:

يمكنكم اصدقاء منصة مجتهد التعليمية قرأءة المزيد من المقالات في: سياحة

1182 مشاهدة