عندك 5000 فكرة ومش عارف تفكر فيهم ولا ترتبهم علشان تطلع بنتيجة؟ سهلة، في النص ساعة بتاعتك تقدر تدخل على المواقع دي وتكتب أفكارك وترتبها … وتشوفها قدام عينيك فتقدر تنجز منها اللي تقدر عليه، كأنه Brainstorming بس مع نفسك.
كيفية ترتيب الافكار :
عشان تعرف كيفية ترتيب الافكار لازم تركز معايا كويس في الكلام جه وتحاول تنفذه…..
لازم دايماً يكون باستمرار معاك قلم وورقة وأي فكرة تفكر فيها أو تيجي في دماغك اكتبها بسرعة لأن دايماً الأفكار بتكون زي الشهب بتلمع لحظياً وبتختفب.
فدايماً متنساش القلم والورقة فب أي مكان، لكن لو في يوم نسيتهم فانت ممكن تكتب عادي علي مذكرات الهاتف الخاص بيك قبل ما تنسي أي فكرة واوعي تقول أنا مش هنسي عشان صدقني هتنسي.
ممكن كمان تشتري sticky note وتكتب عليها كل أفكارك وتلزقها علي طول قدامك هتلاقي نفسك بشكل تلقائي بتفكر في حلول وأفكار جديدة سواء كان مشروع جديد بتحاول فيه أو فكرة لسه محتاج تنفذها.
ابدأ ارسم دائرة فيها فكرة واحدة من أفكارك في منتصف الورقة وبعدين ارسم خطوط كتيرة خارجة من الدائرة في اتجاه حافة الورقة وابدأ في كتابة كل حاجة متعلقة بالفكرة عشان تبدأ تنفذها. واعمل كده في كل الأفكار لحد ما تحصل على روابط وبعدين رتبها وابدأ في تنفيذها علي طول…..
دايماً استخدم الألوان والأشكال عشان تقدر ترتب أفكارك وتفكر فيها بشكل أفضل .
حاول مرة تمسك التليفون او الكمبيوتر وتكتب لنفسك خطاب بشكل لطيف جداً وكإنك بتكتبه لصديق ليك.
تخيل دايما انك كتاب جواه أفكار كتييير أوووووي فلازم تحط فهرس لكتابك.
مهم جداً جداً انك تحط جدول زمني عشان تقدر تلزم نفسك وتنجز مهام أكتر في وقت أقل.
افتح التسجيل وابدأ سجل لنفسك تسجيل بصوت عالي ومتسمعش التسجيل بعدها علي طول، اسمعه بعدها بيومين أو ثلاثة.
مهم جداً جداً ان عقلك يكون مرتاح ويحصل علي راحة تقدر تخليه يفكر، لإن الخلايا العصبية بتتشكل وبتبدأ تعيد النظر في تفكيرك وأفكارك من أول و جديد زي مثلا الخياطة والتريكو والشخبطة على الورق دون كتابة شئ محدد أو تنظيف الغرفة أو طي الملابس بعد ذلك يمكنك نقل أفكارك إلى الورق.
وفي كمان فكرة مهمه جداً وهي الجلوس والتأمل اجلس مع نفسك وفكر في كل الأمور اللي بتحب تعملها، وفكر فيها من منظور تاني خالص، ساعتها هتقدر ترتبها وعقلك يرتبها بشكل أفضل، بعدها تقدر تلجأ للقلم والورقة.
التمشة وممارسة التمارين من الأمور المهمة جداً، اخرج فقط لاستنشاق الهواء والتمشية وغير مكان العمل الخاص بك فهذا سيضعك أمام العديد من الأفكار الجديدة، وقم معك بحمل ورقة وقلم لكتابة أي فكرة سترغب لاحقا في فعلها، وحقاً بهذه الطريقة ستجد الكثير من الأفكار.
أحيانا لما بنكون في حالة راحة واسترخاء جسمنا بيبدأ يشيل من عليه عبء كبير فبعدين بيبدأ يتيح فرصة كبيرة للعقل إنه يفكر في شئ جديد، فلازم نحافظ علي الوقت ده ونستغل كل فكرة كانت في دماغنا بشكل إيجابي عشان نقدر من خلال كل ده نكون مبدعين وموهوبين وعندنا أفكار بشكل كويس جداً