تفاصيل كورسات موقع كورسيرا بالعربي
موقع كورسيرا بالعربي من أهم مواقع التعلم عبر الإنترنت، فمن خلال موقع كورسيرا يمكن الوصول إلى آلاف الكورسات المختلفة والتسجيل بها مجانًا، حيث يمكنك تشغيل محاضرات فيديو تقدمها الجامعات مثل وجامعة ييل وغيرها، شركات رائدة مثل شركة جوجل، فإذا كنت ترغب في التعلم عبر الإنترنت فيُعد موقع كورسيرا بالعربي المنصة الأمثل لك.
كما اتجه موقع كورسيرا لعرض كل كورساته مجانا للشباب و الطلاب من اجل الاستفادة من الاجازة التي فرضتها عليهم الدولة للابتعاد عن الاختلاط و تقليل الاصابات بالفيرس بقدر الامكان حتي يتم انتاج لقاح او يتم محورة الفيرس و السيطرة عليه.
موقع كورسيرا يوضح و يفتح طريق رائع من اجل استغلال فترة المكوث في البيت بعد الازمة الراهنة لانتشار فيرس كورونا. Coursera فتحت كل الكورسات و تخصصات ال بفلوس بقت ببلاش بمناسبة فيرس كرونة عشان ناس تقعد فى البيت و تستفيد بالوقت.
كل التخصصات الممكن تحب تتعلمها موجودة و ببلاش. و هتاجد شهادة معترف بيها من جامعات عالمة و شركات Multinational. ممكن تستفيد بالشهادة ف شغلك او دراستك. و البداية في التسجيل في موقع كورسيرا و البدء في الكورسات مجانا من الرابط التالي :
شرح التسجيل في موقع كورسيرا بالعربي و تحويل لغة الكورسات
إجابة لأسئلة كتير هتسهل عليكوا الموضوع عن ما هو موقع كورسيرا بالعربي
- الموقع عليه كورسات في مجالات كتير جدآ منها اللغات بمختلف أنواعها، التسويق وإدارة الأعمال، الطب، الهندسة، البرمجة، الأدب، التاريخ، علم النفس؛ وحتى كيفية كتابة السيرة الذاتية والاستعداد للإنترفيو باللغة الإنجليزية؛ وأيضا الصحة والرجيم ورعاية الأطفال.
- موقع كورسيرا تقدر تاخد اي كورس من عليه مجانا في اي وقت ويفضل في حسابك على طول بس لما تخلص الكورس مش هتاخد شهادة .. عشان تحصل على الشهادة هتحتاج تعمل الدعم المالي و ده بياخد ١٥ يوم بالظبط على ما يتم قبوله وطريقة الدعم المالي وطريقة الاشتراك في اي كورس مجانا هتلاقوها في البوست ده
- https://bit.ly/2QijpgE
- كل كورس من موقع كورسيرا التعليمي لازم له دعم مالي عشان تاخد شهادة الكورس ده ( من أكتر الأسئلة اللي بتتسئلي ) .
- الدعم المالي مش بيتعمل من الابليكشن .. يا إما تعمله من كمبيوتر او لاب .. يا إما تعمله من اي متصفح عندك عالموبايل زي ما انا شارح اي البوست … لكن الابليكشن تقدر تشترك منه في اي كورس مجانا .. بتدخل صفحة الكورس وتدوس على enroll او اشتراك بعدين تدوس على you can also audit the course او لو البرنامج عندك عربي هتدوس على يمكنك ايضا تدوين الدورة التدريبية .. كده هتكون اشتركت في الكورس مجانا وتقدر تبدأ فيه .
- طريقة الدعم المالي اللي شرحتها في البوست اللي فوق ده بتتعمل لأي كورس مش الكورس اللي انا شارح عليه بس .. بنفس الخطوات بنفس الرسائل بكل حاجه .
- الناس لازم تفرق بين أن في حاجه على الموقع اسمها “course” عادي وفي حاجه اسمها ” specialization” و ده عبارة عن تخصص أو مسار تعليمي متكون من اكتر من كورس ليهم علاقة ببعض وبيبدأ معاك في المجال ده من الصفر وكل كورس مستوى أعلى وكده .. لو فتحت صفحة تخصص وعجبك كورس من كورساته تقدر تاخد اي كورس من كورسات التخصص ده لوحده عادي مش لازم تاخد التخصص كله .. ولو قررت تاخد كورسات التخصص كله وتعمل الدعم المالي لكل كورس عشان الشهادة .. اي كورس هتخلصه هتاخد شهادته ولو خلصت كورسات التخصص كلها هتاخد شهادة تخصص مكتوب فيها اسماء الكورسات الخاصة بالتخصص.
أفضل كورسات database تعلم قواعد البيانات والبرمجة مجانًا
- لو اشتركت في اي كورس مجانا بدون عمل الدعم المالي للشهادة هتلاقي الإمتحانات مقفولة عشان لازم إما تشتري الشهادة أو تعمل الدعم المالي عشان تقدر تحل الإمتحانات.
- لغة الشرح في الموقع هي اللغة الإنجليزية ومتاح الترجمة العربيه لكن مش كل الكورسات مترجمة للعربي على الموقع .. ده لينك بوست فيه اسماء اكتر من ٢٠٠ كورس مترجم للغة العربية :
- https://bit.ly/38Rt5VY
- لو اشتركت في اي كورس من موقع كورسيرا التعليمي ومدة الكورس انتهت ومدة تسليم الإمتحانات عدت .. هيظهرلك في الكورس حاجه اسمها ” rest my deadline ” هتدوس عليها هيمدلك فترة الكورس شهر كمان .
- لو عايز. تعمل الدعم المالي وفي نفس الوقت تبدأ في الكورس على ما الدعم يتقبل .. اشترك الاول في الكورس مجانا بعدين اعمل الدعم المالي و ده هتلاقي شرحه في البوست اللي فوق ? .
- الدعم المالي بياخد 15 يوم بالظبط على ما يتم قبوله … ونسبة قبوله 99% نادراً ما يتم رفض طلب دعم مالي.
- تقدر تعمل عدد كبير جداً من طلبات الدعم المالي للكورسات .. تقريباً عدد لا محدود.
- ” نصيحة ” متشتركش في اكتر من كورس في نفس الوقت .. خلص كورس كورس .. لأنك لو عملت كده هيجي عليك فترة هتزهق وتمل لأنك شتت نفسك .
- يوفر موقع كورسيرا ميزة “coursera for campus” التي تُمكن أي جامعة من تقديم ميزة التعليم عن بُعد عن طريق الإنترنت للطلاب والموظفين وأعضاء هيئة التدريس، وذلك من خلال السماح لطلاب الجامعات المشتركين في الموقع من الوصول إلى الكثير من الدورات التدريبية بشكل مجاني.
- الشهادة بتكون في صيغة PDF جودة عالية جداً جاهزة للطباعة ألوان .
- الشهادات طبعاً هتفيدك في ال CV والشغل بس شرط إنك تكون استفدت من المحتوى .
- لازم تعمل ال Name Verification على طول قبل ما تخلص اي كورس .. لأنك لو خلصت كورس ومعملتهاش .. ممكن يطلب منك تصور جواز السفر أو البطاقة وصورة ليك عشان تاخد الشهادة .. إنما ال Name Verification ده بتكتب اسمك بس اللي عايزه يظهر على الشهادة .
أقرأ ايضا:
- كل كورسات موقع كورسيرا coursera مجانا للطلاب بعد انتشار فيرس الكورونا
- كورسات leed باللغة العربية لإعداد التصميم البيئي مجانًا