10 وظائف ستكون مطلوبة بكثافة خلال السنوات القادمة .. فأستعد لها ! – مجتهد

1 أغسطس 2018
,,,, Ibrahim elsiofy 1 أغسطس 2018 لا يوجود تعليقات 14812

لو بتحاول تختار تخصصك , او بتفكر تغير المجال بتاعك فحط فى اعتبارك  :-

أهم 10 وظائف فى المستقبل  :- 

1 – البرمجة

دلوقتى البرمجة بقت رقم 1 فى الشغل ومن أهم المجالات اللى ليها مستقبل , وده بسبب الاعتماد فى الفترة الجاية اعتماد كلى على الكمبيوتر والأنترنت والعالم الرقمى عموماً

البرمجة دلوقتى مش لازم كمان تشتغلها فى شركة بس , ده كمان ممكن تشتغلها كعمل حر ( Freelancer )  وتجيب منها فلوس كتيره جدااااااا بجانب شغلك الأساسى ,

وعلشان تبدأ فى المجال ده لازم تتعلم اكتر من لغة ومتخافش الموضوع مش صعب اوى , بس مش سهل برضه اوى

وفيه لغات برمجة كتير ممكن تتعلمها زى  ( HTML – JAVA – C – PHP-  Python …… )  ولغات تانية كتير

حتى عالم البرمجه عالم كبير فممكن انت كمبرمج تشتغل فى برمجة  ( المواقع – الألعاب – التطبيقات – البرامج …..)

إقرأ أيضاً : اهم 9 نصائح للمبتدئين فى مجال البرمجة !

2- أمن المعلومات ( white hacker  )

وده الشخص اللى بيحمى المعلومات بتاعت شركتك من السرقة او بيحمى سيرفرات شركتك من الإختراق , ودى من اهم المجالات برضه اللى بيزيد الطلب عليها من الزياده فى مجال البرمجه , والمجالين غير بعض لكن قريبين شوية

وعلشان تبدأ فى المجال ده غالبا ما بتتعلم ال ( CCNA +MCSA + CCNA security ….. وصولا ل red hat + الهكر الأخلاقى  )

3 – تحليل البيانات

ودلوقتى اقوى سلاح على وجة الأرض هو ( المعلومات ) , فلو انت تقدر تحلل وتجمع المعلومات وتساعد الشركات على اتخاذ القرارت

هو ده من ضمن اكبر المجالات و اهمها فى المستقبل

4- الطاقة البديلة

فى الأول كان اهم اكثر الإستثمارات نجاحا كانت فى البترول والغاز والفحم , بس لان المواد دى معرضة للإنتهاء

فإتجاة الشركات حاليا للطاقة البديلة – لدرجة انه بقى فيه شركات او مجموعة شركات كاملة – تعمل فقط على الطاقة الشمسية او الطاقة البديلة

5 – القانون الدولى

بقينا نسمع عن صراعات كتير بين الدول , اتفاقيات كتير بتتعمل واتفاقيات كتير كبيرة بتتلغى , وكل يوم العالم بيقرب من بعضة , وانتشرت فكرة السوق الدولى والمعامللات الدولية واللى هيخلى العمل فى القانون الدولى من اهم الوظائف واكثرها ربحا فى المستقبل

6 – الطباعة ثلاثة الأبعاد

دلوقتى انت ممكن تعمل مشروعك بإمكانيات اقل بإستخدام الطابعه ثلاثية الأبعاد الى بدأ تطبيقها فى الدول الأوروبيه على المشروعات المتوسطه واللى بتخلى تكلفة التصنيع بتكلفة اقل من المصانع الكبيرة والألات العملاقة فى نفس الوقت , ودولوقتى وصل سعر الطابعه ثلاثية الأبعاد حوالى 5000 دولار فقط

والتقنية دى ممكن تستخدمها فى صناعى الادوات الأولية والبلاستيكات والأحذية وحاجات تانية كتير  , ودلوقتى بيطوروها علشان تستخدم مواد تانية افضل وأقوى

7 – التعليم عن بعد ( ال MOOCS )

واللى اتكلمنا علية كتير فى مقالة على موقعنا , ودلقتى المدرسين محتاجين يتعلموا جداااا استراتيجيات وتقنيات التعليم عن بعد ولو بقى ليك اسمك فى العالم الكبير ده فساعتها هتكسب فلوس كتير جداااا , وتبدأ تعمل كورسات وشروحات على مواقع كتير وبالتالى هتكسب كتير

إقرأ أيضاً : يعنى ايه MOOCS ؟ وازاى استفاد منها واكسب فلوس كمان ؟!

8 –  التسويق

مع كل المجالات الكتير اللى فوق دى ومع الزيادة السكانية بتزيد الشركات والمصانع , وبتزيد شركات الخدمات , وبتزيد المحلات والمطاعم …. الخ

وكل حاجه من الحاجات دى محتاجين يظهروا علشان يحققوا اكبر ربح , وده طبعا بيتم من خلال التسويق

دلوقتى التسويق بقى من اكبر المجالات اللى ممكن تدخلها ده غير انه بقى مليان تخصصات كتير جداا , اشهررها  ( الدعاية والإعلان – السوشيال ميديا – ال SEO – ال PR ……..) , وكل شركة بتظهر على السوشيال ميديا او المنصات الإجتماعية بتفتح الباب لفلوس كتير للتسويق

9 – المستشار الشخصى

وده الشخص اللى دارس علم نفس واجتماع وتربية وبيساعد الناس انهم يتخطوا المشكلات النفسية والإجتماعية , والضغوطات العصبية اللى عندهم

واللى بتزيد مع الزيادة السكانية والتزاحم والصراعات فى عالم المال والأعمال

10 – المخطط المالى

الناس بتحتاج لشخص علشان يخططلهم ازاى يقدروا يجمعوا الفلوس فى اقرب وقت ويوفروا فلوس كتير لتقاعدهم

شايف نفسك فى واحده من الوظائف دى ؟؟!!