9 اسباب تحسسك بالإكتئاب و الضياع – مجتهد

22 يوليو 2018
,,,, Ibrahim elsiofy 22 يوليو 2018 لا يوجود تعليقات 480

ليه احيانا بنكتئب من غير اى سبب ؟!

بنحس اننا ملناش لازمه واننا عايشين فى دنيا غير دنيتنا

بس هل عمرك فكرت احنا ليه بنحس الاحساس ده ؟؟!

فى الغالب دع بيكون بأسباب زى

  • التصارع بين القلب والروح

وده علشان مره تفكر بقلبك ومره بعقلك وفى الحالتين مبتبقاش راضى عن قرارك

حاول تتحمل مسؤولية كل قراراتك وتتحمل نتائجها

  • بتفكر بدماغ غيرك

وده بيتمثل فى ( الناس هتقول ايه – ده فلان عمل – والمقارنات اللى مبتخلصش من الاهالى ….)

اعرف انك شخص مستقل بذاته , وان ربنا خلق كل انسان لهدف معين

ومتحاولش تقلد حد غير فى الخير وابذل اقصى ما عندك , وربنا مش هيضيع تعبك

  • الخوف من الفشل

وده اقوى انواع الخوف,  وهو العدو الاول للنجاح والاطمئنان فى الحياه

( خايف اتكلم قدام الناس – خايف اخرج – خايف اتصور , خايف افشل ………….)

لدرجة ان فيه ناس بتخاف تنجح :/

وانت يعنى لو فشلت , طب مانت هتتعلم حاجه جديدة

جرب كل حاجه واغلط كتير , ساعتها هتتعلم وساعتها بس هتحس بمعنى ولون جديد فى الحياة

  • الافكار السلبيه

ودى قريبة شوية من النقطه اللى قبلها بس  الاختلاف انها جوا دماغك وبتحاول تقنعك انك فاشل وانك مش نافع

ودى بتجيلك من الناس اللى حواليك والمواقف اللى بتمر فيها

اعرف ان الدنيا دار اختبار وطبيعى انك تلاقى مشاكل كتير , وهتقابل فى المستقبل كتير

اهزم افكارك السلبيه وغيرها وحقق ذاتك ونجاحك

 

  • اصدقاء السوء

 

اصدقاء السوء او ( الاصدقاء المحبطين ) مش هتفرق كتير

ودول بقى الناس اللى بتحبطك وتديك طاقه سلبيه لا حدود لها

حاول الناس اللى حواليك يكونوا بيحفزوك ويطوروك ويطلعوا احسن ما فيك مش اسوأ ما فيك

 

  • التعلق فى دوامة الماضى

الى حصل حصل , انت ماتقدرش تغير الماضى

بس انت الوحيد اللى تقدر تغير المستقبل

بطل كسل وحزن على الماضى وقوم اشتغل على نفسك وغير حياتك , الدنيا مش بتقف على حد

 

  • محاولة الوصول اللى الكمال

انشغالك بالأحلام بيقنعك انك ممكن توصل لكل حاجه انت عايزها

بس ده عمره ما هيحصل لانك ببساطه انسان واكيد بتتعب

اعمل اللى عليك وسيبها على الله وربنا سبحانه وتعالى هيوفقك

  • انيميا الروح

الجسد غذائه الأكل , والعقل غذائه القراءة  ,

اما الروح فغذائها العبادة ( قراءة القراءان والصلاة )

اوعى تفرط فى جانب العبادات وجانب ربنا , لان ربنا هو اللى بيساعدك وبيقويك وبيصبرك على المساوئ اللى بنشوفها فى حياتنا

 

  • الإتكال والتواكل

ودى مش بس انك تستنى ان اللى حواليك هم اللى هيساعدوك وانت مش بتبدأ لوحدك

لكن كمان انك ترمى اخطائك وفشلك على الاخرين

حط خطه فى حياتك وحدد هدفك وابدأ وربنا هو المعين